كريم الحسيني عن تامر حسني: مش عايز موضوع إني اقابله يكبر.. هو شخص محترم |خاص

تحدث الفنان كريم الحسيني، عن منشوره الذي نشره أمس، وطلبه لمقابلة الفنان تامر حسني، للعام الثاني على التوالي.

وقال كريم الحسيني في تصريح خاص لـ”بصراحة”: أنا طلبت اقابله أكثر من مره، ولكن اللي شغاليين معاه، مش عارف مش راضيين يوصلوني بيه.

وواصل: ولكن أنا مش عايز موضوع إني أقابله ده يكبر، هو شخص محترم جدًا، ولكن مش عايز يكون في شو بسبب إني عايز اقابله.

كريم الحسيني يريد مقابلة تامر حسني

من جانبه كان قد كتب الفنان كريم الحسيني عبر حسابه الشخصي بموقع فيسبوك أمس، أنه يريد مقابلة تامر حسني، وقال:فات سنة على نزول البوست ده وبرضه معرفتش أقابل الفنان المحترم تامر حسني، حاولت في خلال السنة دي أوصلك والله كل اللي شغالين معاك محدش بيرد عليا.

وأضاف:أوصلك أزاي أنا عارف إنك لو عايز توصلي هبقى عندك في المكتب بكره، صدقوني هذا المنشور ليس تقليل مني، أنا عارف إنه فنان محترم وراقي وبيحب يسمع أفكار جديدة ومتأكد إنه لو قعد معايا هيحصل خير.

جديرًا بالذكر شارك الفنان كريم الحسيني مؤخرًا في الجزء الثالث من مسلسل الاختيار، الذي عرض في الماراثون الرمضاني 2022، وشارك به العديد من نجوم الفن أبرزهم:كريم عبد العزيز، أحمد السقا، أحمد عز، خالد الصاوي، عبد العزيز مخيون، محمود البزاوي، سمر مرسي، أمير المصري، مجدي فكري، بيومي فؤاد، صبري فواز، وإيمان العاصي، وآدم الشرقاوي، ياسين السقا، محمد رياض، هشام إسماعيل، عصام السقا، دنيا المصري.