بعد عضة الكلب.. أول ظهور لرحمة حسن في مسابقة Miss Egypt بفستان أسود

تصدرت الفنانة رحمة حسن، خلال الفترة الماضية، تريند مواقع التواصل الاجتماعي والسوشيال ميديا، بعدما أعلنت عن قيام كلب بعضها في منطقة حساسة.

وكان ظهورها مساء اليوم في أولى فعاليات المسابقة الرسمية لـ Miss Egypt، بمثابة أول ظهور لها في مناسبة فنية، حيث ظهرت بإطلالة جذابة بفستان أسود، وميكاج هادي.

وأعلنت الفنان رحمة حسن، انضمامها مؤخرا إلي لجنة تحكيم Miss Egypt ، والتي تضم إلي جانبها، كلاً من: دكتورة امال رزق، الكاتب والمذيعة ياسمين الخطيب، الفنان مصطفى درويش، ، الهام وجدي ملكة جمال مصر 2009، دكتور باهي هاني أخصائي التغذية والسمنة، المذيعة ياسمين سيف، فرح شعبان ملكة جمال مصر 2017، مصممة الأزياء منى جودة، نادين الجيار ملكة جمال مصر 2021.

وفي وقت سابق،كشفت الفنانة الشابة رحمة حسن، عبر حسابها الشخصي بموقع تبادل الصور والفيديوهات الشهير "انستجرام"، عن تعرضها لموقف مرعب بسبب هجوم كلب شرس عليها في الشارع، نتيجة عدم قدرة مالته على السيطرة عليه، وطالبت من الجميع في أنه طالما نزلت بكلب في الشارع لابد من السيطرة الكاملة عليه، وتتحمل المسؤولية عنه في حاله حدوث اي مشكلة يحدثها في الشارع، وألا لا تنزل به من الأساس.

وروت رحمة حسن تفاصيل ما حدث لها عبر حسابه بموقع انستجرام، قائلة :"مساء الخير، امبارح الساعه ١١ بليل كنت نازله اجيب حاجه من السوبر ماركت جمنب البيت ،وكنت ماشيه على الرصيف وكان في عربيه بتركن جمبي عادي ، فجأه الباب اتفتح ولقيت كلب (جيرمن شيبرد) تقريبا مَش متاكده اوي ، بيهجم عليه بكل قوته ،طبعا حاولت اجري لكن للاسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضه كبيره وغويطه بنيابة في منطقة حساسة" .

واضافة:" صاحبه الكلب كتر خيرها اخذتني فورا علي مستشفي امبابه ، ادوني حقنة تطعيم الكلب ولسه فاضلي ٤ هاخدهم خلال شهر، بس المشكله ان من امبارح الجرح بينزف دم كتير ،وانا طبعا خايفه ومصدوم،و تعبانه وعندي تروما من امبارح ، واللي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتأذى، بس كمان مَش عايزه اي انسان كمان يتاذي ويتعض ويتبهدل في الشارع زيي".

وأشارت:"انا كنت بشوف الكلب ده دائما مع صاحبته بتمشي بيه في الشارع جمنب البيت عندي، وعشان شكله شرس كنت بامشي بعيد عنه لما بشوفه ، امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا انا اتصدمت لما عرفت انها مَش اول مره الكلب يعض حد ومع ذلك هي سايباه عادي في الشارع منغير كمامه او حد قوي يمسكه .. بجد حرام عليكم ، الكلب لما بيكون حجمه كبير وشرس بيعتبر سلاح، وصاحبه مسؤل مسؤليه كامله عنه ويحاسب على اهمال مسؤوليته، خصوصا لو اهماله تسبب لشخص تاني في أذى بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف".

واختتمت كلامها، قائلة :"أنا كنت بحب انزل احط اكل ومايه للكلاب والقطط تحت البيت ، دلوقتي انا حقيقي مرعوبه أقرب منهم وخايفه جد، انا اسفه طولت عليكم بس انا بجد مَش عارفه المفروض اعمل ايه عشان محدش تاني يتأذى".

الجدير بالذكر أن أخر أعمال الفنانة رحمة حسن، مسلسل”ملف سري”، الذي عرض خلال سباق رمضان الماضي، وشارك في بطولته كوكبة كبيرة من النجوم منهم هاني سلامة، ماجد المصرى، عائشة بن أحمد، دنيا عبد العزيز، نضال الشافعى، محمد محمود عبد العزيز، محسن محيى الدين، نبيل عيسى نور محمود، إيهاب فهمى، مادلين طبر، كارولين عزمى، علاء مرسى، صبا الرافعى، عمر زكريا، إيمان يوسف، وعدد آخر من الفنانين الشباب.