أسماء جلال: عمري ما حضنت أمي.. وكان بيتقالى متلبسيش شورت علشان رجلك وحشة

قالت الفنانة أسماء جلال إنها عانت فى طفولتها، حيث لم تحضنوالدتها مطلقا، على حد قولها، عكس علاقتها بأبيها التى كادت أن تجن عندما توفى.

قالت أسماء جلال، خلال لقائها مع الإعلامي أنس بوخش،: "أمي كانت بتقول لبابامدلعهاش هي مفيهاش حاجة مميزة وهتخرج عن طوعنا، فحسستني لحد دلوقتي أنه كتير عليا أني أتحب".

وتطرقت إلى طفولتها فقالت:" إني أبقى طفلة صغيرة يتقالها ما تلبسيش شورت أو ما تلبسيش كذا عشان رجلك وحشة، أثر عليا لحد ما كنتش بحب رجلي، ومش بحب ألبس قصير، وبتكسف من شكل جسمي وكنت بحس إنهم عندهم حق".

ونشرت أسماء عبر صفحتها الشخصية على موقع الإنستجرام عن طريق خاصية "الأستوري"، منشورا قالت فيه: "لو انتوا كبنات وستات نصيبكم انكم قاعدين في بيوت وسط ناس المفروض أنهم أهاليكم وستركم وأمانكم، ولأي سبب من الأسباب ليس لديكم الحرية، الكافية لتتكلموا بصراحة عن غضبكم بالشكل اللي يرضيكم وتعترضوا وتتكلموا بحرية عن خوفكم وإحساسكم بالرعب والامتعاض من أي شحص أو مكان أو موقف مؤذي ليكم وخطر على حياتكم، فأنا أسفة بجد لكل واجدة مستحملة ده أو مضطرة تستحمله".

وتابع المنشور: "بتمنى أن يجي اليوم وتتحرروا من السجون دي، لأن لا بيوت اللي بالمنظر ده أمان ليكم ولا الناس دي أمينة مشاعركم ولا يستأمنوا عليكم وعلى أمانكم".