“صفحة المليون أخ”.. التفاصيل الكاملة لفكرة تامر حسني لعلاج "المرض المميت"

فكرة جديدة قرر أن يتبناها الفنان الموهوبتامر حسني لمساعدة المرضى في مصر، وذلك تلبية لطلب اليوتيوبر حسين الجوهري، الذي ناشد تامر حسني لدعم مزاد خيري لمساعدة الطفلة رقية المصابة بمرض ضمور العضلات.

نشر تامر حسني فيديو من لقاء اليوتيوبر حسين الجوهري في برنامج "حديث القاهرة" من تقديم الإعلامي خيري رمضان" وكتب: يا حسين يا حبيبي أنا معاك و بدعمك وبدعم حملتك الإنسانية السامية وسلامي لصديقي وحبيبي أستاذ خيري رمضان وعندي فكرة أتمنى رعايتها ودعمها من أجل كل مريض فكره مش هتخلي مريض واحد في مصر يمد إيده لحد”.

وقال تامر حسنى: “لو مليون مصري اشترك فيها هنحل أزمة الأمراض المكلفة في مصر كلها ،، مليون مصري بس من ال 120 مليون مصري هيتطوعوا على حساب معين للتبرع وهيكون في لجنة مسؤولة من جهة رسمية مسؤولة في الدولة بتقييم الحالة ماديا والمليون مشترك دول هيكونوا بيتبرعوا بشكل دائم كزكاة عنهم وعن أولادهم لخدمة مجتمع كامل وممكن نسميها مثلاً صفحة المليون أخ”.

وأضاف تامر: “كل ما تظهر حالة محتاجه رقم صعب الصفحة هتدرسها وتعلن عن الحالة وتكلفتها التبرع هيبقى في حدود من20 جنيه ل 40 حسب الحاله بس ساعتها أول ما هنعلن هنجمع الفلوس في ثانية لكل المحتاجين وكل المقتدرين اللي ربنا هينور قلوبهم و هيشتركوا في الحساب ده مش هيحسوا أنهم دفعوا حاجه بس هينقذوا حياة اطفال كتير وناس كتير محتاجه، ومين عارف جايز الفكره دي تخلي مفيش ولا واحد مريض في مصر مش لاقي يتعالج وجايز المليون مشترك يكتروا، والله والله والله دي فكره بسيطه مش هتكلف حد بس هتخدم ناس كتير هتخدم بلد هتخدم كل المحتاجين و نخليهم ميمدوش ايديهم لحد يكسفهم، ربنا خلقنا عشان نساعد بعض وزي ما علمنا رسولنا الكريم .. خير الناس انفعهم للناس يعني ربنا بيحب الناس اللي بتنفع الناس وأي صدقه بتخرج من أي حد مستحيل تنقص ماله بالعكس هيضاعفها ربنا في رزقه وهيكرمه و يطهره ويرفع عنه بيها يارب الفكره دي تتحقق”.