ريهام حجاج: ليه ما اتاخدش إجراء ضد الأكونتات الفيك.. يمكن لو حصل مكانتش "نيرة" اتقتلت

أعربت الفنانة ريهام حجاج، عن حزنها الشديد جراء ما حدث لطالبة جامعة المنصورة، وتأثرها الشديد بعد مشاهدة لقاء والدها التي لقت مصرعها على يد زميلها.

وكتبت ريهام حجاج عبر حسابها الرسمي بموقع التواصل الاجتماعي "فيسبوك"، قائلة: "أنا شفت لقاء الأب، حاجة تقطع القلب وتحزن، الراجل ناشد مباحث الأنترنت أكتر من مرة عشان الولد عمل أكونتات فيك مسيئة للبنت".

وتابعت: "السؤال: ليه ما أتاخدش معاه أجراء؟ كان ممكن كل دا ماكنش حصل. انا بناشد مباحث الأنترنت تاخد البلاغات إللي زي دي بجدية شديدة جدا لأن إللي يعمل كدا أكيد إنسان مش طبيعي وعنده استعداد للجريمة".

واشارت :"في سنة…بسنت ضحية الأبتزاز.. نيرة طالبة المنصورة.. هايدي ضحية الصور المفبركة..ربنا يرحم بناتنا و يا ريت مباحث الأنترنت تتحرك في إللي جاي".

وكانت الفنانة سمية الخشاب، انتقدت بشدة منتقدي ملابس طالبة جامعة المنصورة نيرة أشرف التي لقيت حتفها على يد زميل لها أمام أبواب الجامعة صباح اليوم.

ورفضت سمية الخشاب، هذا الكلام شكلا و مضمونا، وانتقدت بشكل شديد، وكتبت عبر حسابها الرسمي بموقع التغريدات القصيرة، "تويتر"، قائلة:" المهم وانا ببص كده علي التعليقات لقيت شويه مرضي نفسيين ميقلوش اجرام عن اللي ارتكب الجريمه بيلوموا البنت ويقولوا كانت لابسه لبس مش محتشم وبيبرروا دبحها".

وتابعت:" يعني اتدبحت وراحت حياتها وكمان مذنبه، لازم الناس دي تفوق لانهم بيبقوا مشاريع اجرام وربوا اولادكم عشان قرفنا منكم ومنهم".

كما نشرت سمية الخشاب، بعص الصور لبعض البوستات التي تلوم نيرة أشرف، وعلقت عليها، قائلة:" انا مش مصدقه اللي انا شايفاه ده، دول المفروض يتحطوا في سجن وياكلوا في بعض، دول مينفعش يبقوا في مجتمع بشري دول مكانهم السجن، دول لو بقوا آباء هيطلعولنا جيل وحوش مش بني ادمين، وهما مش اقل من المجرم اللي ارتكب الجريمه".