إيه قلة الأدب دى.. أمينة تهاجم "الشامتين" فى سقوطها على المسرح

أعربت المطربة أمينة عن استيائها الشديد من تعليقات الجمهور، بعدما تداول رواد مواقع التواصل الاجتماعي والسوشيال ميديا، فيديو لها أثناء سقوطها على المسرح بإحدى الحفلات.

وعلقت أمينة على هذا الموضوع، عبر حسابها الرسمي بموقع التواصل الاجتماعي"التيك توك"، قائلة :"ناس جايه من اخر الدنيا علشان تتفرج علينا كفنانين، النتيجة كانت ان انا جالى تمزق في الأربطة، بسبب التحمل".

وتابعت: "دخلت على تعليقات الفيديو أشوف الناس اتخضت عليا وكانت الثقة زيادة، دخلت لقيت معظم التعليقات اه أحسن والأرض تبلعها وأصلها بتترقص".

واضافت: "أيه قلة الأدب والذوق دى وعدم الدم دى، أنا اتربيت إنى أحس بالناس التانية.. أنا اتصدمت".

واختتمت حديثها قائلة: "إحنا الفنانيين محطوطين مع بعض، الصالح مع الطالح واشتموها عشان فنانة، يا جماعة ياريت ماما تفضى 3 دقايق وتقوم تربيكوا بدل قلة الأدب ومحدش عالم بيكوا غير ربنا".