عمرو أديب للمواطنين: أجلوا الإنجاب للسنة الجاية

قال الإعلامي عمرو أديب هنسأل السؤال الصعب والأهم واللي هو بيأثر علينا كلنا، الدولة المصرية ماذا ستفعل هل تستطيع أن تصرف علطول والقروض هتكفى علطول، حد فكر مثلا الدولة وضعها ايه وكيف تستطيع أن تتصرف وكلنا في مركب واحدة ولازم نفكر في الوضع، ولم يتحدث أحد حتى الآن عن الدولة وكيف تتصرف مع الظروف الحالية

وأضاف خلال برنامج الحكاية المذاع على قناة “ام بي سي مصر: حد سأل الدولة تقدر تكمل كده قد ايه؟ احنا مجتمع موارده مش مفتوحة أوي؟ وزيادة سكانية 2.5 مليون في السنة بتلتهم كل النمو، وفجأة جالنا مصيبة أو مصيبتين من الخارج، طيب هي الدولة دي عندها الإمكانيات اللى تخليها تتصرف ازاي؟

وتابع: هناك أزمة اقتصادية حقيقية لازم كلنا نكون حاسين بيها والدولة زيك يا مواطن بتحاول تحافظ علي الغطاء الاجتماعي المعمول لفئات مهمشة وتاخد بالها من الفقراء والعيش يبقى بنفس السعر ولكن لـ متى وإلى أين؟ ماذا سنفعل؟ الدولة مش ساكتة ولكن الحرب لو استمرت سنة كمان ماذا سنفعل؟ الإدارة المصرية الحالية تشعر بالظلم الفظيع في ظل الأزمة العالمية والوضع المأزوم عالميا، فاَن الأوان أننا نتكلم عن الوضع الحالي.

وأكمل: دائما ما كنا نتحدث عن الزيادة السكانية، الاَن تستطيع أن تفهم ان تأثيرات الأزمة علينا بسبب الزيادة السكانية 3 أضعاف، أي نمو بنعمل بيتاكل، وكنا هنوصل قبل الكورونا لـ8% ومحصلش دلوقتي بيتوقعوا لنا 5% في 2023 وده صعب برضو، في الأزمة الراجل اللى عنده عيلين زي اللى عنده 4 لأ طبعا، اللى عنده عيلين قادر شوية ولكن ماذا يفعل اللي عنده 5 و7 عيال؟ لازم في المواقف دي يبقى فيه كلام يواجه الحقيق، العقل الجمعي المصري مشغول بالتفاصيل ولكنه لا يرى الصورة العامة بشكل واضح

واستطرد: قلت ولسه بقولة للناس ده مش عام الإنجاب في ظل الظروف الاقتصادية الحالية والأزمة العالمية، أجلوا الإنجاب للسنة الجاية أو اللى بعدها احنا في حرب، اَن الأوان أن ننظر لتلك المسألة بشكل واضح