"تاريخ عظيم وفوق راسنا".. نجوم الفن يدعمون بهاء الدين محمد في أزمته مع شيرين عبد الوهاب

شن الشاعر الغنائي بهاء الدين محمد، هجوما حادا على الفنانة شيرين عبد الوهاب، وبعدما إعلانها عبر حسابها الشخصي بموقع تبادل الصور والفيديوهات الشهير"انستجرام"، ندمها على اغنية "ماتجرحنيش"، التي كتبها بهاء لها خلال السنوات الماضية، بعد توجيه سؤال لها عبر حسابها على "إنستجرام".

وكتب بهاء الدين محمد، عبر حسابه الرسمي بموقع التواصل الاجتماعي "فيسبوك" قائلًا: لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد في كل كارثة يدافع عنها وح أتكلم بإختصار جدًا.

وتابع: أول يوم دخلت شيرين عبد الوهاب مكتبي كانت مع الأستاذ نصر محروس اللي هو صاحب الفضل في تقديمها وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعدة مع الأستاذ بهاء.

وأوضح، قائلًا: رشحتها تغني كتير بنعشق ولولا موافقة نصر محروس، احترامًا للعشرة اللى بينا ماكانتش حتغنيها لأنها كانت موقوفة من النقابة، لما فوجئت بمدير أعمالها الرجل اللي أنا بحبه وبحترمه لقيته بيكلمني نيابة عنها ويقولي سمعني الجديد، وده طبعًا خطأ لأن اللى بيغني مهما كان اسمه مش المفروض يغلط غلطة زى دي.

وأضاف بقوله:"لأن المشهد ده مش لايق على المشهد الأول، أما أغنية ماتجرحنيش أنا لحد الأن مش عاجبني غُنا شيرين مع احترامي الكامل لصوتها وأكيد لولا الأستاذ نصر محروس ماكانش حيتم اللقاء.

واختتم بها الدين محمد حديثه بعد هجوم شرين، قائلا:" ماتجرحنيش من أهم أعمالي ومن حقي أدافع عنها نتاج تهور اللي غنيتها وكمان لأول مرة ألاقي حد بيحارب نفسه وبيغلط في مبدعين اشتركوا في صناعته، وعشان أكتب الكلام ده يبقى شيرين غلطانة كالعادة، بس كان لازم أقولها ماتعمليش كده تاني، وإنتي بتكبري بس مش ح تعدي حدود حجم بعض الأسماء ولا أعمالهم".

وعقب قيام الشاعر بهاء الدين محمد بكتابة هذه المنشور، ساند العديد من الفنانين الشاعر الغنائي بشكل واضح، حيث الشاعر الغنائي خالد تاج الدين، قائلا:" يا بوب يا كبير متزعلش نفسك ولو عبد الوهاب نفسه زعلك نصحيه يعتذرلك".

بينما الملحن تامر حسين، قائلا :"أستاذنا وكبيرنا عبقرى العباقرة هو احنا عندنا كام بهاء الدين محمد ؟ تاريخ عظيم واستمرارية لحد يومنا وانا الحقيقة معرفش ده رد شيرين بنفسها والا حد من ادارة الـ سوشيال ميديا ويمكن خانها التعبير او ماتقصدش العمل الفنى لانها اغنية قيمة كلام ولحن وتوزيع وخاطرك كبير عندنا كلنا أستاذنا ولا تزعل نفسك أكيد شيرين مايرضيهاش يوصلك الإحساس ده ( ياتاريخ ) ياحبيبى واغانيك العظيمة لو كتبتهالك في بوست مش حانخلص".

كما تفاعل المطرب مينا عطا مع منشور الشاعر الغنائي بها الدين محمد، وكتب :"أستاذ الأجيال كلها كدة كدة و على اى وضع والله ".

كما كتبت المطربة شذى، قائلة:"دي اغنيه عظيمه و كلام عظيم من شاعر مهم جدا و استاذ كبير اي حد يتشرف يغني من كلماته".

واضافة شذى :"ومتزعلش حضرتك فوق راسنا كلنا شيرين كتير بيخونها التعبير حضرتك استاذ اجيال".