الكاميرات فضحته.. سيدة تتهم دليفري مطعم شهير بوضع مُخدر لها في المياه الغازية بالمعادي

نشرت سيدة تدعى "هبة محمد"، مقطع فيديو تحذر من خلاله الأمهات والأهالي، قائلة: "محل البرجر المشهور، اللي بنخلي أطفالنا ياكلوا منه بيبعت ديلفري يسرق ويحط مخدر في مياه غازية وجايب معاه واحد تاني بيشاورله باين في فيديوهات ولولا الكاميرا فضلت تبعت إنذار على موبايل إن فيه حد بيتحرك كتير قدامها فضحته كانت حصلت كارثة".

وزعمت صاحبة الفيديو، أن عامل توصيل الطلبات الخاص بفرع المطعم الشهير بالمعادي، كاد أن يسرق منزل صاحب الطلب، بعدما وضع له مُخدرًا بالمياه الغازية الموجودة مع الوجبة.

وكشفت السيدة، زوجة شقيق الضحية، ما حدث له، مؤكدة أنه تعرض لجريمة سرقة مُخطط لها، مع سبق الإصرار، من عامل توصيل الطلبات، مؤخرًا، كشفت عنها كاميرات المراقبة، قائلة: "أخو جوزي طلب الأوردر ده من المحل، وبعد ما استلمه فعلا وحاول يشرب بدأ يحس بدوخة، وده الوقت اللي كاميرات المراقبة بدأت تدي إنذار بالفعل"؟

وأضافت صاحبة الفيديو: "الفيديو اللي صورته الكاميرا فضح عامل الدليفري، وبان لما راجعنا الكاميرات، إنه كان معاه حد تاني بيشاورله، وبان إنه فضل يراقب اخو جوزي بعد ما دخل ويتحرك قدام باب شقته يسمع أي حاجة، عشان يقدر يدخل لما التاني يقع، وده سبب إنذار الكاميرا إن في شخص بيتحرك بسرعة أكتر من مرة قدام باب شقة".

وحول الحالة الصحية لصاحب المقطع، أكدت أنه بالفعل شعر بالدوار والدوخة فور تناول المياه الغازية، وقام بالاتصال بهم.

وأوضحت "هبة"، أنهم بالفعل اتصلوا بالفرع الذي رفض إعطاء بيانات عن العامل، مثل اسمه أو عنوانه، مؤكدين إنهم بالفعل قاموا بفصله، معقبة: "هددناهم بنشر الفيديوهات وهي الدليل، وأكدوا إنهم هيتعاونوا ويدونا بيانات عنه ولما يحصل هنتوجه للشرطة ونحرر محضر".