أورتيجا: "بتحارب في أكل عيشي وأكونتاتي بتتسرق بس انا مش هسكت تاني"

أكد مؤدي المهرجانات الشعبية أورتيجا، تعرضه لمحاولات عديدة لمحاربته في عمله وحملات عديدة لتشويه صورته أمام جمهوره.

وقال أورتيجا، في منشور له عبر موقع التواصل الاجتماعي "فيسبوك": "ياجدعان هو اللي بيأذي حد في أكل عيشه وبيحارب علشان يخليني ماشتغلش وأكونتات بتتسرق مني وناس قاعده ٢٤ ساعة بتشتم عمال على بطال تحبوا نقولواايه للناس دى".

وأضاف أورتيجا: "انا عرفت كل حاجه علشان ربنا كبير أوى وكل حاجه بتبان حتى ولو بالصدفة افرحلك يومين علشان مش بتدوم.. واللي جاي والله صدقني بيجيب جلطة أنا دايما في حالي ومحدش بيسمع عنى حاجه ولا ليا في النوش بس تقريبا هتصحو الشخص التاني اللي جوايا اللي بيحب النوش علشان الطيبه في الزمن ده مش بتنفع ده اللي اكتشفته".

وتابع أورتيجا: "اخواتي وحبايبي هقول تاني اخواتي وحبايبي بس اللي عندي يحبوا يقولوا إيه للأشرار اللي مبلطين عندي اللجان اللي متأجرين علشان يخلو صورتي وشكلي قدام الناس مش حلو والله والله انا مش هسكت تاني واللي بيعرف يندب يستحمل.. أورتيجا الطيب بح طولت عليكم يا اخواتي بحبكم في الله".