"دراعي هو اللي بيجيب الجنيه".. "بالجلابية والعمة" المعلمة عفاف تتحدى أقوى تجار البطيخ بالشرقية

"بالواحدة.. بالواحدة يا عم.. بـ2 جنيه الواحدة يا بطيخ"، هكذا تقف المعلمة "عفاف" وسط السوق بمدينة بلبيس بمحافظة الشرقية، بجلبابها البلدي وعمتها الصعيدي، وبصوتها الجهوري الذي تنافس به كافة التجار، فتخطف أنظار زبائنها بوقفتها التي اعتادت عليها لمدة 20 عامًا، فيعتبرها البعض ملكة البطيخ في الشرقية.

تقول "المعلمة عفاف": "انا شغالة في الشغلانة دي أبًا عن جدًا ومليش غيرها، لا عندي معاش وباب رزق غير الشغلانة دي.. دراعي هو اللي بيجيب الجنيه".

وتابعت "المعلمة عفاف": "ربنا وهبني بموهبة اني اعرف البطيخة الحمرا من القرعة وملهاش دعوة لا بشكل ولا غيره، دي موهبة ربنا بيديها للبياع عشان ياكل عيش".

واستطردت "المعلمة عفاف": "نفسي اطلع بطاقة شخصية لابني عشان يمشي بيها في مصر هو جنسيته سعودي، ومش عارفين نطلعله بطاقة".