غادة عبدالرازق : تمنيت وجود والدتي حتى لو بلغت 109 أعوام وتزوجت 5 مرات للبحث عن الأمان

حلت الفنانة غادة عبدالرازق ضيفة على برنامج «ABtalks» مع الإعلامي أنس بوخش، في لقاء كشفت خلاله عن جوانب مختلفة من حياتها الشخصية والمهنية، وتحدثت بصراحة عن عدد من المحطات والتجارب التي مرّت بها على مدار مشوارها الفني، إلى جانب كواليس وتفاصيل جديدة عن حياتها بعيدًا عن الشاشة.

وفــاة والدها

وكشفت غادة عبدالرازق عن اللحظات الأخيرة في حياة والدها الراحل، مؤكدة أنها كانت من أقسى اللحظات في حياتها، وقالت: والدي تـوفى لما كان في جلسة قصية الوفد في مجلس الدولة، جاله هبوط  في الدورة الدموية، ودخل المستشفى  الضهر، وكان كويس وقتها، وجاله جلـطة طلعت بسرعة على المخ، وتاني يوم توفى.

عدد الزيجات 

كما كشفت غادة عبدالرازق عن عدد زيجاتها الحقيقي نافية ما يتردد عنه، حيث قالت : أنا اتجوزت 5 مرات بس مش زي ما فيه ناس بتكتب 12 ولا 13، كل ده غلط، وأنا كنت بقول الأرقام دي علشان استفزهم، فا كنت بقولهم إنتوا كاتبين غلط هما مش 10 هما 12 وممكن 15 مرة، لكن الحقيقة إن هما 5 بس.

وأضافت: أكيد في كل مرة حبيت فيهم، ودي حاجة متعبنيش، لأني مبعملش حاجة غلط، وده حلال ربنا، وأكيد حبيت فيهم كلهم، لأني لو محبتهمش مكنتش اتجوزتهم حتى لو كان فيهم اختيارات غلط.

وتابعت: كنت متوقعة وكان عندي آمال، وعملت  مجهود  مضاعف، ومفيش فايدة، واكتشف إني كنت بعمل كده علشان أحس بالأمان وألاقي حد يسمعني وأفضفض معاه، ومكنش ليا أي مصالح في ولا جوازة منهم.

وعن سبب زيجاتها المتكررة، قالت غادة عبدالرازق: كنت بدور على الأمان وحد أسمعه وأفضفض معاه.

زيارة المقابر

كما كشف غادة عبدالرازق عن عقدتها من زيارة المقابر، وقالت مرة كنت متضايقة جدً، روحت المقــ ـابر الساعة 2 بالليل وقعدت أعيط وفجأة قولت ممكن حد يقتلني،  وبعدها طلعت جري وركبت العربية ومن ساعتها ومروحتش المقـابر تاني في حياتي.

إمكانية الزواج مجددا

وعن إمكانية زواجها مجددا، قالت غادة عبدالرازق: مبفكرش في الجواز تاني، لأن الفترة الجاية محتاجة اركز في حاجات أهم بكتير من الزواج.

الخوف من الوحدة 

كما تحدثت غادة عبدالرازق عن الخوف من الوحدة، وقالت أنا دلوقتي مقدرش أقول إني دلوقتي  حاسة بالوحدة لأن حواليا ناس كتير، وممكن تيجي عليا أوقام بشهر والشهرين أقعد في البيت ومخرجش ومتكلمش مع الناس.

الانجاب

كما قالت غادة عبدالرازق عن الإنجاب: عمري ما حياتي ما اجيب لروتانا أخ وأخت، ومن كتر حبي فيها مكنتش عايز ألاقي في عينيها، كفاية إني انفصلت عن والدها، مش كمان هجبلها أخ وأخت يضايقها.

الاستقرار النفسي والعاطفي 

كما كشفت غادة عبدالرازق حقيقة تصريحاتها بشأن عدم وجود استقرار النفسي والعاطفي في حياتها، وقالت غادة عبدالرازق: أنا قولت إن معنديش استقرار نفسي وعاطفي، وقولت كده قبل ما أبطل الأدوية، وكان عندي تغبط نفسي، وشيئ طبيعي في الحالة دي أقول كلام بالشكل ده، ولو اتسألت السؤال ده دلوقتي مش هقول نفس الإجابة دي.

وعن تصريحاتها حول إنها تمثل من بهدف الشهرة والمادية، وأن التمثيل سحب منها أشياء أخرى، قالت غادة عبدالرازق: فيه جزء من الكلام ده مش حقيقي، وجزء حقيقي ، وجزء تاني لما قولته كنت في حالة ضغط نفسي وعصبي، فأكيد الكلام طلعه بشكل ده، وأنا فعلا علشان الشهرة والنجاح خسرت حاجات كتير قدامها، واتنازلت عن حاجات كنت المفروض ساعتها فكرت فيها، لكن قلة خبرتي وصغري في السن وقتها خلتني أضحي بحاجات معينة المفروض كنت أخد بالي منها. 

التقصير مع ابنتها 

وكشفت غادة عبدالرازق أيضا عن تقصيرها مع ابنتها الوحيدة روتانا، وقالت كنت عايز ألاحق على الشغل والشهرة ، وكنت برجع من الشغل الساعة 2 و3 الصبح، وبرجع بيتي الساعة 5، والوقت اللي روتانا بتبقى صاحية أنا ببقى نايمة، وفي الوقت اللي بتكون عايزاني أسافر معها فيه بيبقى عندي تصوير، فبتسافر مع أختي وأهلي، وأنا ببقى مش متواجدة. 

الحاجة لوجود الأم 

كما نفت غادة عبدالرازق تصريحاتها حول عدم احتياجها لوالدتها، وقالت: عمري ما قولت إني مكنتش محتاجة أمي، أي حد في الدنيا بيحتاج أمه، وكنت اتمنى أنها تكون موجودة حتى لو عندها 109 سنة كفاية إن نفسها موجود معايا.

الصداقة بين الرجل والمرأة 

كما كشف غادة عبدالرازق عن الصداقة بين الرجل والمرأة، وقالت : عمري في حياتي ما كان عندي صديق راجل بحكي معاه عن كل حاجة، أو حاولت اعمل كده، ودي تركيبات في الاشخاص أنهم يحافظوا على الصداقة بينهم بس، والموضوع لا يتجاوز أكتر من كده، لكني عمري ما فكرت أصاحب راجل بدل ما صحابي البنات بيدوني على قفايا. 

وأضافت: طبيعي هيبقى فيه حاجاة مينفعش أحكيها له كراجل، يعني مثلا مجبش راجل اتفرج معاه علىة فيلم في البيت ، واقول صديقي، لا طبعا معملش كده. 

خيانة المرأة 

كما تطرقت غادة عبدالرازق إلى الحديث عن خيانة المرأة للرجل، وقالت: لو الست خانت الراجل تروح تنفصل منه على طول من غير ما تقوله على السبب. 

التقدم في العمر 

كما كشفت غادة عبدالرازق عن قبولها للتقدم في العمر، وقالت: من صغري من وأنا عندي 20 سنة عمري ما خوفت من التقدم في العمر، وكل سنة بقول على سني الحقيقي. 

كما قالت غادة عبدالرازق عن كشفها  حقيقة مشاعر من يتحدث تجاهها، وقالت: عندي قرون استشعارية رهيبة، وببقى ساعات عايز أقول للي قدامي ارجوكي ما تبذليش مجهود، لأن مهما عملتي أنا عارفة إنك متحبنيش، لأن ده حاساه بقلبي، وشايفاه في عينيك، وبقول لأي حد مش بيحبني بلاش تبذل مجهود علشان تبين إنك بتحبيني، لأن أنا رهيبة في الحتة دي. 

السعادة

كما تحدثت غادة عبدالرازق عن شعورها بالسعادة، وقالت الحمدلله أنا سعيدة بنسبة كبيرة، والسعادة بالنسبة لي الرضا والراحة ، وإني سعيدة باللي وصلت له في حياتي المهنية والشخصية، وسعيدة كمان إني الحمدلله خلفت روتانا، ودي كانت أحلى خطوة في حياتي، ومن أهم الحاجات اللي حصلت لي في حياتي قبل أي حاجة، ودي الحاجة اللي ربنا ألهمني بيها إن ده رضا كزبير منه عليا ومن دعا والدتي ليا. 

الإنجاب

كنما كشفت غادة عبدالرازق عن أسباب عدم إنجابها مرة أخرى بعد ابنتها الوحيدة روتانا، وقالت:  عمري ما حياتي ما اجيب لروتانا أخ وأخت، ومن كتر حبي فيها مكنتش عايز ألاقي في عينيها، كفاية إني انفصلت عن والدها، مش كمان هجبلها أخ وأخت يضايقها.