ملك زاهر تهنئ خطيبها بفيلم مطلوب عائليًا: كلمة فخورة قليلة أوي على اللي حاسة بيه

هنأت الفنانة ملك زاهر خطيبها السيناريست بثاني أعماله فيلم مطلوب عائليًا بطولة النجم كريم عبدالعزيز والنجمة ياسمين عبدالعزيز الذي انطلق العرض الخاص به بالأمس بإحدى السينمات. 

ونشرت ملك زاهر صورا من داخل العرض الخاص للفيلم، وذلك عبر صفحتها الرسمية بموقع التواصل الاجتماعي “انستجرام”: كلمة «فخورة» قليلة أوي على اللي حاسة بيه. مش عارفة أصلًا هلاقي كلام يقدر يوصف إحساسي إزاي وأنا واقفة جنبك وبشوفك بتحوّل أحلامك لحقيقة قدام عيني. كل مرة بقول مش ممكن أبقى فخورة بيك أكتر من كده، تديلي سبب جديد يخليني أكون فخورة بيك أكتر. 

وأضافت: أنا شايفة قد إيه بتبذل مجهود في كل حاجة بتعملها. شايفة التعب، والأيام الطويلة، والحاجات اللي بتقلقك، وقد إيه يهمك إن كل حاجة تطلع صح وعلى أكمل وجه. ووجودي جنبك في كل ده بيخليني أحس إن كل نجاح بتحققه هو نجاح ليا أنا كمان بحس بحماسك، وراحتك، وفرحتك كأنهم فرحتي أنا.

وتابعت: ولما الناس بتهنيني بيك وبشغلك، بفرح وبنبسط أضعاف ما بفرح لما حد يهنيني بحاجة أنا عملتها بنفسي. اسمك بيخليني أرفع راسي أكتر شوية، أنا فخورة جدًا بالشخص اللي إنت عليه، وممتنة أوي إني بشاركك الحياة دي، وسعيدة جدًا إني أقدر أقول إنك شريكي.

واجتمعت: فيلم جديد، وحلم جديد اتحقق، ولحظة جديدة هتفضل دايمًا في ذاكرتي. مفيش حاجة بتفرحني أكتر من إني أشوفك مبسوط، وأشوف الشغل اللي حطيت فيه قلبك وروحك بيوصل للناس، مبروك يا حبيبي. أتمنى تدي نفسك فرصة تستمتع بكل لحظة من اللحظات دي. إنت تعبت أوي عشان توصل لها، وأنا أسعد بنت في الدنيا وأنا بشوف كل ده بيحصل قدامي.

أحداث فيلم مطلوب عائليا

وتدور أحداث فيلم مطلوب عائليا في إطار كوميدي تشويقي  حول عميل لدى الانتربوب يُسند إليه مهمة مشتركة بالتعاون مع إحدى زميلاته، وخلال المهمة  يضطر لمقابلة شخصيات غير متوقعة، لتبدأ بعدها سلسلة من المواقف والمفارقات الغير متوقعة..

فريق عمل فيلم مطلوب عائليا

ويضم فريق عمل فيلم مطلوب عائليا نخبة من النجوم منهم كريم عبدالعزيز، وياسمين صبري، وسارة بركة، ومصطفى خاطر، ومصطفى غريب، والعمل من تأليف شريف الليثي، وإخراج معتز التوني.