أول رد من محمد مكاوي على انتقادات خطوبته: محدش اتظلم

رد البلوجر محمد مكاوي على  الانتقادات الذي تعرض لها عقب إعلان خطوبته على الإعلامية هند مدحت بعد عامين من انفصاله عن زوجته السابقة الموديل نورهان عماد. 

وكتب محمد مكاوي عبر صفحته الرسمية بموقع التواصل الاجتماعي “انستجرام”: اتنين عملوا حلال ربنا وقروا فاتحة واتخطبوا وهيتجوزوا إن شاء الله، واتنين كانوا متجوزين بحلال ربنا وانفصلوا بالحلال من أكثر من سنتين.

وأضاف: محدش خان حد، ومحدش اتظلم، ومفيش "ضحية" في القصة زواجي السابق انتهى من أكثر من سنتين، وبعد انتهاء الزواج والانفصال بمدة طويلة، بدأت علاقة جديدة والنهارده الحمد لله فيه خطوبة ونية للزواج إن شاء الله،  خطيبتي الحالية صاحبتي من 11 سنة، ومعرفتهاش عن طريق زوجتي السابقة. إحنا في الأساس كلنا زمايل في نفس مجال الشغل ومعارف من سنين، وده عمره ما كان معناه إن فيه علاقة أو حاجة مستخبية.

وتابع: وطبيعة شغلنا أصلا فيها سفر و إيفنتات وتصوير وتعامل مع ناس كتير جدا ، فمش كثير جدا، فمش معنى إن اتنين سافروا ا في نفس الشغل، أو حضروا -إيفنت مع بعض، أو اتصوروا سوا ، إنهم أصحاب مقربين أو إن كان بينهم أي نوع من العلاقات.

واستكمل : مفيش علاقات اتداخلت، ومحدش خان حد ومحدش أخد مكان حد ومش لازم كل قصة انتهت يبقى فيها ضحية وجاني، ومش لازم بداية جديدة تبقى على حساب حد ثاني أو معناها إن فيه حاجة حصلت في الماضي، وفي نقطة أهم لما إنسانة تختار إنها تلتزم بأمر ربنا وتتحجب، إيه الهدف إننا نرجع نفتش في صورها القديمة قبل الحجاب وننشرها للناس؟إِنَّ الَّذين يحبون أن تشيع الفاحِشَةُ فِي الَّذِينَ آمَنُوا لَهُمْ عذاب اليم. 

واستطرد: اللي اختار يقرب من ربنا ويتبع أمره، الأولى إننا نعينه ونستره ونحترم اختياره مش نرجع نطلع له صور من وقت هو اختار إنه يتجاوزه، وفي الآخر، كل واحد فينا عنده حياة وبيت وأهل ومشاعر والكلمة والصورة اللي بتتنشر ممكن تأذي ناس ملهاش أي ذنب. 

واختتم:  فاتقوا ربنا في كلامكم، وفي أعراض الناس، وفي اللي بتنشره إيديكم ومش كل قصة محتاجة ضحية، ومش كل سعادة جديدة لازم ندور وراها على حد نلومه، واللي بيحبنا وبيتمنالنا الخير، ادعولنا ربنا يتمملنا على خير، ويبارك لنا في اللي جاي ويرزق كل واحد فيكم الخير والسعادة وراحة البال.

خطوبة محمد مكاوي 

وأعلن محمد مكاوي أمس خطوبته على هند مدحت بعد عامين على انفصاله عن زوجته السابقة، مما عرضه للانتقادات من قبل العديد من رواد السوشيال ميديا والجمهور.