أول رد من زياد حجاج بعد اتهامه بالهروب من بعثة منتخب مصر للمصارعة

وجه زياد حجاج أبو جبل، لاعب منتخب مصر للمصارعة الحرة، رسالة إلى والديه، عقب واقعة اتهامه بالهروب من بعثة المنتخب خلال مشاركته في بطولة العالم للشباب بسلوفاكيا.

وقال زياد حجاج عبر رسالة نشرها: "أنا اللاعب الدولي زياد حجاج أبو جبل لاعب منتخب مصر للمصارعة الحرة، وعايز أقول لأبويا وأمي ما تزعلوش مني، أنا عملت كده علشان أبقى في نظر نفسي راجل، مش هرجع مصر بلدي الحبيبة إلا وأنا مشرفها".

وأضاف: "سامحوني، أنا تعبت كتير وتعبت أبويا قوي معايا، أنا كلفته كتير وهو معاه سبع إخوات غيري، وما كانش ينفع غير إني أرجع مصر ومعايا الميدالية، وإن شاء الله هيحصل. حبيت أطمنكم عليا، إن شاء الله راجع لمصر وأنا بطل ومشرفها".

وتابع لاعب منتخب مصر للمصارعة الحرة: "بالله عليك يا حاج تسامحني وتدعيلي، وأنا حبيت أقول لكل اللي ظلمني وظلم أبويا وإخواتي".

وكشف زياد حجاج تفاصيل سفره إلى سلوفاكيا، قائلًا: "أنا سفروني لوحدي من مطار القاهرة إلى سلوفاكيا، وما حدش معايا من البعثة، وما كانش في دماغي حاجة، واتصلت بيهم وروحت على البطولة ولعبت".

وأوضح أنه خاض منافسات البطولة رغم تعرضه للإصابة، قائلًا: "أنا كنت مصاب في الضلع اليمين، وأصريت ألعب علشان أحقق حلمي وأجيب ميدالية لمصر".

وتحدث زياد حجاج عن المقابل المادي الذي يحصل عليه، قائلًا: "أنا كل اللي باخده في الشهر 700 جنيه وأنا لاعب دولي، هيعملوا إيه ولا إيه، ولكن أنا المسؤول عن القرار ده، بعد الضغوط دي كلها ما كانش ينفع أرجع تاني".

واختتم لاعب منتخب مصر للمصارعة الحرة رسالته قائلًا: "أنا اتولدت مصارع وهعيش مصارع، رفعت علم مصر وهيفضل مرفوع إن شاء الله، سامحوني".

واختتم زياد حجاج رسالته قائلًا: "ابن مصر زياد حجاج أبو جبل".