محمد رمضان يكشف أسباب حجب أغنيته «حبيبي أنا من غيرك» على سناب شات

كشف النجم محمد رمضان عن أسباب حجب أغنيته الجديدة “حبيبي أنا من غيرك” عبر تطبيق سناب شات على الرغم من وجودها على جميع المنصات.

وقال محمد رمضان: مفيش حاجة تخليني اعمل فيديو وأنا تعبان، وعندي برد وواخد أدوية غير الحقيقة اللي لازم تعرفوها أغنية حبيبي أنا من غيرك نازله بقالها 16 يوم ، والحمدلله هي محققه نجاحات على كل المنصات ما عدا سناب شات، والنهاردة لسه عارف إن اللي حصل إن فيه شخص مسئول من دولة خليجية ما دفع فلوس لموظف في سناب شات، علشان الأغنية متبقاش موجودة، إيه رأيك  نعمل ديل تدفع فلوس أكتر ونساعد الغلابة سوريا، مصر، غزة، أي مكان، وأشيلك كل الأغاني بتاعتي من على سناب شات، وكل حاجة عايزها تتشال، هتتشال.. 

حبيبي أنا من غيرك

وطرح محمد رمضان مؤخرا أغنية حبيبي أنا من غيرك عبر اليوتيوب، وجميع المنصات. 

وتقول كلمات الأغنية: 

يا لاطش قلبي لطشة
جمالك حلو بارشا
الناس في عنيا مره
و انت في عنيا ماتشا

يا ظابط قلبي ظابطه
عالجت كل خبطه
الناس في عنيا وحشة
و انت في عنيا لٌقطه

حبيبي انا من غيرك
زي الدولة من غير بوليس
زي فرنسا من غير باريس
زي البدلة من غير قميص

حبيبي انا من غيرك
زي الليجا من غير لامين
زي الجيزه من غير كمين
زي الفيزا من غير machine

حبيبي انا من غيرك
زي الشارع من غير انارة
زي تقاطع من غير اشارة
زي القهوة من غير سجارة

حبيبي انا من غيرك
زي سي السيد من غير امينة
زي هاسيندا من غير كابينة
زي البييي من غير تيتينا

يا خاطف قلبي خطفة
يا ورده عايزه قطفة
الناس في عنيا بايخة
و انت في عنيا تحفة

يا داخل قلبي دخلة
حبك سحلني سحلة
الناس في عنيا مٌره
انت العسل يا نحله