هيدي كرم تشيد بـ أغنية «بنت مين» لـ تامر حسني: معمول فيها مجهود رائع وكل ما تسمعهوها هتحبوها

أشادت الفنانة هيدي كرم بأغنية تامر حسني الجديدة “بنت مين” الذي طُرحت مؤخرا عبر اليوتيوب، وجميع منصات التواصل الاجتماعي والموسيقى. 

وقال هيدي كرم من خلال فيديو نشرته عبر حسابها الرسمي بموقع التواصل الاجتماعي “انستجرام”: “يا جماعة سمعتوا أغنية بنت مين لتامر حسني، حلوة حلاوة، التوزيع مع المزيكا خطير، معمول فيها مجهود رائع، كل ما تسمعوها كل ما تحبوها”.

كما وجهت هيدي كرم سؤالا لـ تامر حسني، قائلة: هي حلاوتك منين ولا 200 عشان في الكلمات مكتوبة منين بس أنا سامعة 200، أنت قصدك أيه ياريت نعرف”، ليرد عليها تامر حسني قائلًا: "منين يا هيدي مش 200، وبالنسبة لحلاوتك أنتي هتبقى 400 كمان مش 200"، لتمازحه هيدي كرم معلقة: “يبقى لازم اكشف على وداني”.

أغنية بنت مين

وطرح تامر حسني مؤخرا أغنيته الجديدة “بنت مين” عبر اليوتيوب، وجمع منصات الموسيقى والتواصل الاجتماعي. 

وتقول كلمات الأغنية: 

أحلى حاجة تشوفها عيني، مفيش كلام
شديتيني، خليتيني، أتوه أوام
وأعمل إيه؟ وأعمل إيه؟ أعمل فيكي إيه؟
أحلى حاجة تشوفها عيني، مفيش كلام
شديتيني، خليتيني، أتوه أوام
وأعمل إيه؟ أعمل إيه؟ أعمل فيكي إيه؟

إنتي بنت مين؟ وحلاوتك منين؟
إنتي بجد حاجة تانية متجيش مرتين
عديتي الخيال، مخطرتيش في بال
يا اللي غيرتي بجمالك مفاهيم الجمال
إنتي بنت مين؟ وحلاوتك منين؟
إنتي بجد حاجة تانية متجيش مرتين
عديتي الخيال، مخطرتيش في بال
يا اللي غيرتي بجمالك مفاهيم الجمال

أنا مش فاكر كُنت أنا مين
غيرتيني في غمضة عين
أنا مش شايف ناس تانيين
توهتيني يا بنت الإيه
أي جمال إنتي سبقتيه
عاجبك يعني اللي بقيت فيه؟

إنتي بنت مين؟ وحلاوتك منين؟
إنتي بجد حاجة تانية متجيش مرتين
عديتي الخيال، مخطرتيش في بال
يا اللي غيرتي بجمالك مفاهيم الجمال

إنتي بنت مين؟ وحلاوتك منين؟
إنتي بجد حاجة تانية متجيش مرتين
عديتي الخيال، مخطرتيش في بال
يا اللي غيرتي بجمالك مفاهيم الجمال