بعد اعتذاره.. رانيا شاهين توجه رسالة لـ هشام المليجي : كحرتني كحرتة على السوشيال ميديا وأنا ماعملتش حاجة

ردت الفنانة رانيا شاهين على اعتذار الفنان هشام المليجي، بعدما كتبت منشورا عنه تحدثت فيه عن معاناته من الاكتئاب بسبب قلة الأعمال الفنية المعروضة عليه.

أعادت «شاهين» نشر اعتذار «المليجي»، عبر حسابها الرسمي بموقع التواصل الاجتماعي «فيس بوك»، وعلقت قائلة: «تمام يا هشام حصل خير مفيش حاجة، مع إنك كحرتني كحرتة على السوشيال ميديا وأنا ماعملتش حاجة.. بس تمام إحنا أخوات وجيران».

وتابعت: «ربنا يوفقك، وانبسط وربنا يبعتلك كل الخير ويحققلك كل اللي نفسك فيه، وأنا كمان غلطانة كان المفروض اسألك الأول، بس عارفني وعارف نيتي».

كان الفنان هشام المليجي وجه اعتذارا لزميلته الفنانة رانيا شاهين عن الحديث عنها بطريقة حادة مطالبا إياها بعدم التدخل في شؤونه والحديث عن عدم عمله الفني لسنوات.

كتب المليجي عبر حسابه الرسمي على موقع فيسبوك قبل قليل: «أنا متضايق من نفسي جدا لأني كنت عنيف مع زميلتي اللي كانت عاوزة تساعدني وغلطت في الأسلوب ومش عارف اعمل إيه.. اخواتي وأقرب الناس ليا ميعرفوش دواخلي ولا حياتي الشخصية.. وأنا مطلبتش منهم مساعده لأنهم أولى الناس بمساعدتي ده لو كان عندي أزمة.. عشان كده انا انفعلت ومكنش المفروض اكتب وأنا غضبان». وتابع: «متزعليش مني يا رانيا وحقك عليا انتِ عارفه إنك غالية عندي وطول عمرنا جدعان مع بعض وانا بعتذرلك قدام الناس كلها».