ياسر جلال عن الرئيس السيسي: لما بروح أي دولة بيقولولي بنحسدكم على الراجل المحترم اللي عندكم

أشاد الفنان ياسر جلال، عضو مجلس الشيوخ بالرئيس عبدالفتاح السيسي، مشيرا أنه يحظى بحالة من الاحترام والتقدير من جميع دول العالم. 

وقال ياسر جلال في مداخلة هاتفية عبر برنامج “آخر النهار” المُذاع عبر قناة النهار مع الإعلامي تامر أمين: لما بروح أي دولة بيقولولي والله بنحسدكم على الراجل المحترم اللي عندكم. 

وأضاف: أنا حصلت على أقل أجر في مسلسل الاختيار 3، وكان ليا شرف إني أجسد شخصية الرئيس السيسي. 

حق الأداء العلني

ومن ناحية أخرى، كان ياسر جلال قد كشف منذ أيام  أهمية تفعيل حق الأداء العلني بالنسبة للفنانيين. 

وقال ياسر جلال خلال اجتماع نقابة المهن التمثيلية من أجل تفعيل القانون:   الراحلة ليلى مراد كان بتاخد 12 ألف جنيه زمان، والجنية الذهب كان وقتها بـ 96 قرش، ولو جيت حسبتها دلوقتي هتلاقيها 47 مليون  جنيه، وزمان كان بياخدوا أكتر من  دلوقتي بس الفكرة إن الفنان بيروح من أجره حوالي 40% مستقطع من أجر الفنان،

وأضاف: الفنان علشان يطلع بالشكل اللي بتشوفوه بيه ده هو وأولاده، لازم يصرف كتير من تعليم ومدارس، والفنان مش هيبهدل نفسه، علشان قدام الناس اللي بتحبه تشوفوا لابس كويس وقاعد في حتة كويسة، وراكب عربية كويسة، وأنا بعمل مسلسل واحد في السنة يا دوبك بيكفي المكان اللي ساكن فيه والصيانة والضرائب العقارية، ده غير ولادي ومصاريفهم، أنا بحب أعيش كويس وأعيشهم كويسين فالفلوس بتتصرف، وأي فنان قادر يعيش بيكون عامل بيزنس، وحق الأداء العلني مش بس مصر، ده في العالم كله