جابر القرموطي: الناس اللي بتساعد عيالها على الغش مصيبة (فيديو)

علق الإعلامي جابر القرموطي على حديث الرئيس عبد الفتاح السيسي بشأن التعليم في مصر، قائلًا: الرئيس قال بصورة مباشرة إنت بتتخانق عشان تغشش ابنك؟.

وأكد القرموطي خلال برنامجه مانشيت مساء اليوم الخميس: لو بتحارب عشان ابنك يغش وبتساعده دي كارثة.. فيه أب وأم بيساعدوا عيالهم على الغش وبيدولهم برشامة في جيبهم، ولما يرجعوا الأولاد من الامتحانات أول لمة بتتقال ليهم، انت غشيت اليوم ولا لا؟.

وأكمل جابر القرموطي: لو انت حياتك كلها غش هتعيش إزاي؟.. احنا بنفر إزاي ابننا يطلع صح دون غش، مُدرِّسة الدقهلية وداد حمدي من كام يوم منعت الطلاب من الغش ورفضت إنه يكون فيه غش الأهالي جم ضربوها.

وتابع جابر القرموطي: الواقعة دي لو اتكررت مرة واتنين مش كويسة على المجتمع، ما حدث مصيبة، الناس بتساعد عيالهم على الابتكار للغش، واللي بيساعده أهله للأسف، لو غش في المادة دي السنة الجاية هتعمل فيها ايه، واللي جاية هتعمل فيها ايه؟.

واستهل الإعلامي جابر القرموطي أول حلقات برنامجه مانشيت، بالتأكيد على أنه ممتن بالتواصل مرة أخرى مع الجمهور، متعهدًا بأن يكون عند حُسن ظن المشاهدين، حيث سيشهد البرنامج قنوات اتصال مع الجمهور بشكل مختلف.

وقدم جابر القرموطي أولى حلقات برنامجه مانشيت، على قناة cbc أمس الخميس.