راندا البحيري تهاجم المسيئين للمرأة المصرية

شنت الفنانة راندا البحيري هجومًا حادًا على المسيئين للمرأة المصرية، مؤكدة أن كثيرًا من السيدات تحملن مسؤوليات كبيرة داخل أسرهن في ظل ظروف قاسية، ووجّهت انتقادات لاذعة لمن يطلقون أحكامًا عامة أو يقللون من شأن النساء، مشيدة بقصص الكفاح التي خاضتها العديد منهن في تربية الأبناء وإعالة أسرهن.

وكتبت راندا البحيري عبر حسابها الرسمي بموقع التواصل الاجتماعي “فيسبوك”:’فيه اكونت لشخص ما كل شويه ينزل صور بنات “عرايا تقريبا تماما”، شهم زي القمر بس لابسين عريان و عاملين طبعا شعرهم و لينسز و علي سنجة عشره من مدرجات كأس العالم و بيقول “ده احنا طلع معندناش حريم في مصر”. 

وأضاف:  الموضوع أتكرر جامد جدا،  طبعا دخلت اشوف ده مين طلع أقسم بالله العظيم شكله استغفر الله، و بجد لابس فانلة،  و عنده شنب كده شكله يقرف، و لبسه منتن و متصور في مكان شكله مفيهوش أي ذوق ولا ترتيب، ده ملهوش إنه يتكلم علي ستات مصر كلمة واحدة

وتابعت:  حضرتك احنا عندنا ستات في مصر قمرات،  بس ولايا طالع عينهم علشان يلموا ورا أمثالك يا قذر، عندنا ستات شوفتهم في محكمة الأسرة بعيني رايح راجع،  شوفتهم و هم رايحين يقبضوا من وزارة التضامن علشان انت يامعفن يا منتن مش عايز تدفع لعيالك جنية، إنما تصرف في الحشيش يا قذر

واستكملت: ستات مصر و كل واحدة معدية الـ 30 و الـ 40 دلوقتي، كانت ضحيه لأب رباها تربية صعبة،  و كان كابت حريتها ومش واثق فيها و مفرق بينها و بين اخوها. و امها معندهاش شخصية، و طلعت علي بيت زوج بهدلها و رماها في الشارع.

واختتمت: راحت دورت علي حياه و ابتدت من الصفر و اشتغلت و ربت عيالها علي الصح. و دخلت مدارس و عملت دور الاب و الأم. مع بعض. و حاولت متغلطش غلطان اهلها. و مرضت. مرضت بجد. مفيش حد هيعدي من كل ده من غير ما يتلطش بمرض صعبة، حسبي الله في كل رجل وصل ست. سواء أخته أو بنته أو طليقته الحته دي،منكم لله.