الرئيس السيسي: قلت لبنتي وهي بتتجوز استني على الإنجاب سنتين أو تلاتة على الأقل

شدد الرئيس عبد الفتاح السيسي، على أهمية برنامج الصحة الإنجابية وإجراء كشف طبي حقيقي للتأكد من حصول الطفل على حقوقه.

وأضاف خلال فعاليات إطلاق المشروع القومى لتنمية الأسرة المصرية اليوم الاثنين: "فيه حد لما بنت جات تتجوز انتظري سنة أو سنتين علشان إنتي كنتي في وعاء حضانة أسرة وهتروحي حضانة زوجية حاجة تانية فخدي نفسك، عيشي يومين تتعودي على الحياة الجديدة".

وتابع: "لا أقصد تنظيم الأسرة.. لكن ممكن تتجوز بعدها تخلف على طول، وبعد كده ممكن يختفلوا فتاخد ابنها وتمشي ويحصل الطلاق.. لازم تاخد فرصة تقعد سنة أو سنتين تتعود على البيت بمطالبه ولما تحس إنها قادرة على استيعابه تكمل اللي بعده".

وأكمل: "مفيش حد بيقول لبنته كده.. لكن أنا قلت لبنتي استني على مهلك سنتين أو تلاتة على الأقل".