هو ده دور الصحافة الشريفة.. الإعلامي سيد علي يشيد بانفراد موقع بـ"صراحة" في قضية الـ 40 مليار

أشاد الإعلامي والكاتب الصحفي، سيد علي، بانفراد موقع "بصراحة" برئاسة الكاتب الصحفي، محمود سعد الدين،  في قضية مديونية رجل الأعمال محمد الخشن الـ 40 مليار جنيه، واصفا رئيس تحرير موقع بصراحة بـ"الصحفي الشاطر".

انفراد موقع بصراحة في قضية الـ 40 مليار

وأضاف علي، خلال برنامجه التلفزيوني، "حضرة المواطن"، عبر قناة "الحدث اليوم":" البعض حاول يسترزق من خلال القضية وأنا الحقيقة لأول مرة وأنا راجل عجوز في المهنة ولما أشوف صحافة وإعلام يعني بيدافع ويهدد.. والأدوار حقيقي تحولت فأنا مبقتش فاهم حاجة.. هذا الرجل وزوجته أخذ القرض وكبشر فله كامل التقدير والاحترام".

وتابع: أن محمود سعد الدين والكلام اللي قاله في القضية حول الـ 40 مليار جنيه حقيقي.. وفي البعض بيطلع يقول إنت إيه وجايب الرقم ده منين ومش عارف إيه مكلفين مين يرفع قضايا الصراحة الكلام ده عيب.. لا الصحافة المصرية بتخاف ولا الإعلام المصري الشريف بيخاف ولا الناس المستقلة اللى بتحترم المهنة دي الكلام ده يرهبهم.. في وقائع وزميلنا محمود سعد الدين اتكلم فيها بصراحة وفي حجز وتأخر فيها ومفيش حد والقضية من زمان ومفيش حد من الإعلام المصري اتكلم عليها".

وقال: "لما يطلع حد يقول إزاي هو مين اللى سرب ده وكأنه مش عايز الصحافة والإعلام يقوموا بدورهم.. يعني لما الصحافة المصرية تقوم بدورها نتهم الصحافة والإعلام نلاقي في تخبيط حتىالمبار في المهنة اتكلموا بحرج شديد في الموضوع حرج يضع الجميع في شبهة.. محمود سعد الدين عمل دور رائع في الموضوع ولاقي في تخبيط".

وأوضح قائلا:" أنا فاكر نواب القروض والحاجات اللي كنا بنكتب فيها بالأهرام ودرسنا وعرفنا حرية النقد وحدود النقد المباح نحن لا نتعرض لأشخاص وكل الأشخاص فوق دماغنا.. أحيانا الأشخاص بيعملوا حاجات وطالما ارتضيت تكون شخصية عامة وتطلعوا تقولوا احنا اتجوزنا ونتصور بالطيارات انتوا اللي قدمتوا ده للناس واتكلمتوا في البرندات".

وأشار قائلا:" رجال الأعمال عندهم قروض أضعاف أضعاف هذا المبلغ والبنوك شغالة وبيخدوا مقدمات والشغل.. ورجال الأعمال في العالم محدش شغال بفلوسه شغالين بفلوس البنوك".