"قالتلي لو قلتلك ارمي نفسك في النار ترميها".. نص اعترافات ريان سفاح كرموز في قضية مقتل أمه وأشقائه الـ5

ينفرد موقع "بصراحة" بنشر نص اعترافات ريان المتهم بقتل والدته وأشقائه الـ5، في القضية التي هزت الرأي العام والمعروفة إعلاميًا بـ"جريمة كرموز"، والتي أدلى بها أمام جهات التحقيق، كاشفًا خلالها تفاصيل ارتكابه الجريمة وخطوات تنفيذها، إلى جانب الدوافع التي دفعته لذلك، في واحدة من أبشع الجرائم التي شهدتها المنطقة مؤخرًا، والتي أثارت حالة واسعة من الجدل والصدمة بين المواطنين.

نص الاعترافات

وجاء نص الاعترافات كالتالي:

 م: حدثنا عن نشأتك منذ صغرك ؟ أين نشأت وبأي بيئة عشت ؟
ج انا اتولدت في السعودية في جدة واتربيت هناك.

س كم عدد أفراد أسرتك ؟
ج والدي ووالدتي وأنا وخمسة أخواتي .

س: وكم عدد أشقائك وما ترتيبك بينهم ؟

ج انا عندي 5 اخوات وأنا الكبير فيهم وهما بالترتيب يوسف ١٦ سنة وبعدين يحي ١٤ سنة وبعدين رهف ١١ سنة وبعدين ملك ١٠ سنين وبعدين ياسين ٨ سنين.

س: وكيف كانت طبيعة أسرتك من حيث الاستقرار الاجتماعي والنفسي والمادي الذي عاصرته خلال فترة طفولتك ؟

ج: احنا طول عمرنا بابا مش بيصرف علينا كويس وبيعاملنا وحش وبيضربنا عشان أبسط الأسباب وعلى طول فيه مشاكل بين بابا وماما حتى كان بيضربها ساعات لما يتخانقوا وأنا واخواتي مش أحسن حاجة مع بعض دايما بتحصل بيننا مشاكل بس الحاجات العادية اللي هو مثلا بنتخانق على موبايل ماما عشان مكنش حد فينا معاه موبايل وكنا بنتخانق لو حد فينا حوش فلوس والثاني أخدها صرفها مثلا المشاكل اللي بتحصل بين الأخوات.

س: صف لنا طبيعة علاقتك بوالديك وأشقائك آنذاك وهل غلب عليها الود والتماسك أم التوتر والقسوة؟

ج: كان على طول فيه مشاكل في البيت بسبب أن بابا كان دايما عصبي وبيعاملنا كلنا وحش وبيضربنا احنا وماما .

س: ما مدى تعرضك في صغرك للعنف والأعمال والقسوة في المعاملة ؟

ج: بابا كان دايما بيضربني بالحزام من صغري أنا وأخواني عشان كان بيبقى راجع من الشغل متعصب وأي حد بيعمل دوشة و مشاكل كان بيضربه جامد لكن ماما كانت تعاملنا كويس وتحوش عندنا لما بابا بيضربنا . 

س:من وما أثر ذلك في نفسك ؟
ج: أنا كنت دائما بجاف من بابا ومبحبش التعامل معاء وكنت بخاف من ماما مع أنها مكانتش بتضربني بس كانت شديدة معانا جامد .
من وما مدى طاعتك لوالديك وامتثالك لأوامرهما ؟
ج أنا كنت بسمع كلام بابا عشان بخاف منه وماما كنت سمع كلامها عشان بحبها وكنت بعمل أي حاجة تقولي عليها وعشان هي كمان كانت شديدة معانا بس مش زي بابا .

س: وهل كان امتثألك وطاعتك لوالدتك اختيار أم إجبارا ؟
ج: هي كانت شخصيتها قوية ومحدش كان بيقدر يقولها لا بس كنا بنحبها بردو عشان هي كانت بتزعقلنا مكانتش بتصرينا زي بابا وكانت بتقولي بالنص “لو قولتلك ترمي نفسك في النار ترمي نفسك في النار” وانا مكنتش بقول غير حاضر طول حياتي عمري ما قدرت أقولها لا.

س وما مدى اقتناعك بتهيج وسلوكيات والدتك في تنشئتك ؟
ج: انا مكنتش مقتنع طبعا من جوايا بكده بس مكنتش اقدر اقول كده انا كنت بخاف جدا من بابا وماما وعمري ما كان عندي الشجاعة اني اقولهم لا مهما قالوني .
س وما مستواك التعليمي وما مدى انتظامك في دراستك ؟
ج: أنا كنت في المدرسة لحد رابعة ابتدائي في السعودية بس خرجت من المدرسة مكملتش.
س وما سبب انقطاعك عن الدراسة آنذاك ؟
ج عشان با با مكنش معاه فلوس يخليني أكمل تعليم.