طلبت معاشرتها ورفضت.. المتهم بقتل زوجته في مركز السنابسة: «قلت أخنقها وأريح نفسي» | خاص

نستكمل نشر نص التحقيقات في قضية مقتل سيدة على يد زوجها، خنقا داخل منزلهما بمركز السنابسة بالمنوفية.

إيداع المتهم بقتل زوجته في المنوفية بمستشفى الطب النفسي بالعباسية

وكانت  محكمة جنايات شبين الكوم، قررت إيداع  المتهم بقتل زوجته في المنوفية، في مستشفى الطب النفسي بالعباسية، لبيان مدى سلامة قواه العقلية، بناءً على طلب الدفاع وهذا ما أكده الدفاع أحمد حمد المحامي.

واستمع رجال التحقيق لأقوال المتهم، إذ قال: “إحنا من ساعة ما اتجوزتها وإحنا مش بيعدي علينا وقت كويس وفي مشاكل بتحصل بنا كتير، وأنا اتكلمت معاها كثير ومع أهلها بس برده المشاكل فضلت مستمرة لحد إمبارح بعد ما عرفت من برة إنها كانت عاملة مشكلة مع واحد في الشغل هي وأختها”.

وأضاف المتهم : “هي كانت قاعدة اودامي علي طول ومكنش فيه بينا مسافه وقتها هي كانت في الصاله اودامي كانت حوالي 2 متر ، وطول ما هي قاعده كانت عماله تشتم فيا وانا قاعد بغل منها،  كانت قاعده اودامي في الصاله عماله تشتم فيا، هي شتمتني أنا وأهلي وكانت بتقولي يا فلاتي وألفاظ خادشة، الالفاظ دي خلت جسمي يولع من جوايا وكنت عايز اخد حقي منها لاني جيبت اخري”.

وتابع المتهم: “كنت قاعد بغل منها وبفكر انتقم منها ازاى لان المرادي زودتها علشان غلطت في اهلي، انا كنت قاعد مكاني عمال افكر انتقم منها ازاى ودماغي عماله تودى وتجيب”.

خطة تنفيذ الجريمة

كما أضاف المتهم،"انا فكرت ان انا هروح انام معاها ولو رفضت انا كنت هروح اخذ حقي منها وانتقم منها علي اللي بتعمله فيا، طلبت معاشرتها ورفضت، انا مكنش ادامي حل غير انى اموتها، انا قولت اخنقها واريح نفسي، انا قمت نحيتها وأول لما شافتني قامت وقفت قمت رايح نحيتها ورحت خنقها بايدي الاثنين لحد ما مالت".