مسلم: مجال كله حقد ومرض

وجه المطرب الشعبي مسلم رسالة قوية عبر من خلالها عن استئيائه الشديد من تصرفات البعض داخل الوسط الفني.

وكتب مسلم عبر حسابه الرسمي بموقع التواصل الاجتماعي “انستجرام”: أقسم بالله مجال ما شوفتش فيه حد سالك  وكله بيصفر على كله،  أنا بعيد أوي عن الناس دي بجد ما شوفتش منهم عير مرض وحقد وضحك في الوش، وبنحبك وفي الضهر كلام ومؤامرات علينا، ربنا يحمينا منهم بجد.

وفي وقت سابق، كان  مسلم قد تحدث  عن تفاصيل مؤثرة من حياته الشخصية، خاصة ما عاشه في طفولته، وعلاقته بأسرته، وأثر ذلك على مشواره الفني والإنساني.

وقال مسلم  في بث مباشر عبر حسابه الرسمي على إنستجرام: "من وأنا صغير كنت بتعرض للضرب من أهلي، وكنت بسيب البيت وأخرج، واشتغلت من بدري لأني كنت حاسس إني هبقى حاجة مهمة، ووالدتي كانت دايمًا بتوقف جنبي. إخواتي كانوا دايمًا ضدي وواقفين مع أمي، لكن رغم كدة، عمري ما قصرت في مساعدتهم".

وأضاف: "والدتي أهم حاجة في حياتي، ومستعد أعمل أي حاجة علشان ترضى عني، وكل اللي وصلت له بفضل دعواتها. لكن للأسف، إخواتي خسروني في حاجات كتير، سواء في شغل الغناء أو المشاريع التانية، وأختي تحديدًا اتكلمت عني بشكل مش كويس".

وتابع مسلم قائلاً: "أنا في كل شغل جديد بخصص جزء لأهلي، بس بطلب منهم يسيبوني أعيش حياتي. زمان كانوا بيسكتوا لما زوجتي السابقة اتعرضت للإهانة احترامًا ليا، لكن يارا (زوجتي السابقة) مقدرتش تسكت لما اتقال عليها كلام مش حلو".