رانيا فريد شوقي تٌشيد بـ أصحاب الأرض: مش مجرد دراما دي وثيقة إنسانية

أشادت الفنانة رانيا فريد شوقي بـ مسلسل صُحاب الأرض بطولة إياد نصار ومنة شلبي، والذي يُعرض حاليا ضمن موسم دراما رمضان 2026.

وكتبت رانيا فريد شوقي عبر حسابها الرسمي بموقع التواصل الاجتماعي “انستجرام”: رغم كل اللي عشناه وشوفناه بعنينا على السوشيال ميديا من وجع ودمار وصور قاسية، بتيجي الدراما الحقيقية في توقيت فارق ومهم جداً عشان تنظم 'الفوضى' دي وتحولها لرسالة حية للعالم وللتاريخ.

وأضافت: مسلسل صحاب الأرض في رمضان 2026 جاي يفتح الستار عن اللي الكاميرات مالحقتش توثقه.
​العمل ده مش مجرد دراما، دي وثيقة إنسانية حية بتدخل جوه القلوب والبيوت اللي اتهدت في فلسطين، شان ترسخ تاريخ وجرائم الاحتلال اللي بيحاولوا يمسحوه من الذاكرة.

وتابعت: حكايات صمود مابتتحكيش بالأرقام، وبشر زينا بيتمسكوا بالحياة وبالجذور وسط الرماد، ​كل التقدير لـ الشركة المتحدة" United Studios" وصناع العمل،  إنهم اختاروا المواجهة في اللحظة الصح، وبحقائق توجع وتصحي الوعي. لما الدراما بتقدم وثيقة حق وبتحول الوجع لرسالة كرامة.

واستكملت: وبتفضح بشاعة الظلم في قلب كل جيل جديد.. هي دي مصر، ودي عظمة الفن المصري اللي دايمًا بيفضل السند، واللسان اللي بينطق باسم فلسطين بصدق مبيعرفش يداهن، وبيحكي الحكاية زي ما هي،  بدمها، بصمودها، وبكرامتها اللي مابتنكسرش.

واختتمت: الحكاية لسه مخلصتش،  وفلسطين لأصحابها، و بإذن الله هما اللي يكتبوا النهاية."

أحداث مسلسل صحاب الأرض

وتسلط  أحداث مسلسل صحاب الأرض الضوء على الحرب الفلسطينية، حيث تدور أحداثه حول قصة حب تنشأ بين طرفين خلال الحرب على غزة، حيث يتحول الأمل إلى سلاح خطير، ويصبح البقاء على الحياة شكلا من أشكال الإنتصار.

فريق عمل مسلسل صحاب الأرض

ويضم فريق عمل مسلسل صحاب الأرض نخبة من النجوم منهم إياد نصار، ومنة شلبي، وعدد من الممثلين العرب منهم إياد حوراني، وكيرا يغنم، وكامل الباشا، وآدم البكري، والمسلسل من تأليف عمار صبري، وإخراج بيتر ميمي.