في فنانات بيحقدوا عليا.. جوري بكر تفتح قلبها وتكشف أسرار من حياتها الشخصية

كشفت الفنانة جوري بكر أسرارا في حياتها الشخصية والمهنية في تفاصيل تكشفها لأول مرة على الهواء مباشرة.

وقالت جوري بكر خلال لقائها ببرنامج بين السطور المُذاع عبر قناة TEN مع الإعلامية يمنى بدراوي: مفيش خلافات بيني وبين طليقي، وكل خلافتنا كانت علشان الحضانة اللي هدخلها لإبني، هو كان عايز يدخله مكان، وأنا عايزة مكان تاني خالص، وخلافتنا كانت عادي جدا زي ما كل الناس بتتخانق حتى المتجوزين وعايشين مع بعض. 

وأضافت: أيا كانت الخلافات بين وبينه استحاله امنعه يشوف ابنه حتى لو رافعين على بعض 600 ألف قضية الطفل مالوش ذنب ابني هيشوف أبوه غصب عني، ولو عايش معاه أنا هشوف ابني غصب عني، واللي حصل ده إن ناس كتير حواليا غيرانه مني وقعوا بينا، لأنه فيه ناس حوالين حسادين كتير، وفيه حد كده من الوسط الفني بيحسدني كتير بس عمري ما هقول اسمه.

كما كشففت جوري بكر عن تعرضها للحقد والحسد من نجمات الوسط الفني، وقالت: في فنانات بيحقدوا عليا وبيكرهوني بس أنا عمري ما هقول على اسمهم.

جوري بكر في الست موناليزا 

ومن ناحية أخرى، تشارك جوري بكر في مسلسل الست موناليزا بطولة مي عمر، والذي يٌعرض حاليا ضمن موسم دراما رمضان 2026.

وتدور أحداث مسلسل الست موناليزا في إطار رومانسي حول قصة حب تجمع بين رجل وسيدة، فيساعدها على الانفصال من زوجها، ويقف بجانبها في جميع المراحل، ولكن تحاول شقيقته إفساد العلاقة بينهما.

ويضم فريق عمل مسلسل الست موناليزا مجموعة من النجوم منهم مي عمر، وأحمد مجدي، ووفاء عامر، وشيماء سيف، ومريم الجندي، ومحمد محمود، وسوسن بدر، وسما إبراهيم، وإنجي المقدم، ومحمود عزب، ومصطفى عماد، وجوري بكر، والمسلسل من تأليف محمد سيد بشير، وإنتاج حسن عسيري، وإخراج محمد علي.