رضا إدريس: جالي مرض وضيق مالي كبير من قلة الشغل

كشف الفنان رضا إدريس غيابه عن المشاركة في الأعمال الفنية لسنوات طويلة، مشيرا أنه هذا كان له آثر سلبي على المستوى المادي والنفسي بالنسبة له.

وقال رضا إدريس في تصريحات إذاعية  عبر برنامج كلم ربنا الراديو 9090 : خدت فترة كبيرة أوي تعدت السنتين وكان فيه ركود في الشغل والدنيا كانت صعبة عليا أوي وفضل ربنا هو اللي بيخلي الواحد يصمد، وتعبت جسديا ونفسبا من القعدة وجالي مرض والدنيا مكنتش مظبوطة وحصلي ضيق مالي وبقى فيه احتياجات ومصايف مدراس، وإيجار وأنا معنديش مصدر دخل تاني.

وأضاف: بشوف زمايلي بيعمل العمل وبعده عمل تاني أو تالت، وأنا ممكن اعمل عمل واحد اقعد بعد 10 شهور مشتغلش.

واختتم: كنت بقعد طول الوقت أصلي وادعي ربنا لحد ما في يوم لحد ما  تليفون جالي، جيه في دماغي وقتها أنه هيرشحني لمسلسل في رمضان، قولت له إزاي والمسلسلات كلها بدأت تصوير من بدري، اتفاجأت بيقولي دخ مش مسلسل مصري ده أجنبي، وهسافر بعد العيد  مكنتش مصدق نفسي وقتها، عيطت وقتها وقولت ربنا استجاب لي ياما أنت كريم يا رب، وبعتولي تاني يوم عربون، والفيزا طلعت في نفس اليوم والدنيا كانت متيسرة وقتها، وده اللي حسسني إن ربنا سمعني. 

إفراج 

ويشارك رضا إدريس في مسلسل إفراج بطولة عمرو سعد، والذي يُعرض حاليا ضمن موسم دراما رمضان 2026.

وتدور أحداث المسلسل  في إطار شعبي حول شخصية عباس الريس، وهو رجل بسيط من الطبقة المتوسطة تتغير حياته رأسا على عقب بعدما يتعرض لعملية نصب وظلم اجتماعي، جعلته يفقد ما يسعى إليه في الحياة، مما يجعله يقف في مواجهة قوى نافذة وظروف صعبة، تتطلب منه الكفاح والذكاء والمواجهة من أجل استعادة كرامته التي سُلبت منه.

ويضم فريق عمل مسلسل إفراج نخبة من النجوم منهم عمرو سعد، وحاتم صلاح، ونوران ماجد، وعبدالعزيز مخيون، وسما إبراهيم، وبسنت شوقي، وتارا عماد، ومحسن منصور، ودنيا ماهر، وعلاء مرسي، وجهاد حسام الدين، وأحمد عبدالحميد، وعمر السعيد، والعمل من تأليف ورشة الملوك “أحمد حلبة ومحمد فوزي وأحمد بكر، وإنتاج صادق الصباح «شركة سيدرز آرت برودكشن-صباح إخوان”، وإخراج أحمد خالد موسى.