عمرو الليثي في برنامج "أبواب الخير": رحلة إيمانية روحانية مع أسماء الله الحسنى طوال شهر رمضان

قال الإعلامي د. عمرو الليثي في مقدمة برنامج "أبواب الخير" عبر إذاعة راديو مصر في أولي حلقاته في شهر رمضان : أسماء الله الحسنى مش مجرد صفات أو كلمات محفوظة بنرددها في الدعاء، دي مفاتيح قلوب، وأبواب رحمة، ورسائل طمأنينة لكل إنسان تايه وقلقان أو محتاج أمل من رب رحيم، وقريب، وشايف، وعارف، وسامع، وعمره ما نسي عباده.

وأضاف أسماء الله الحسنى مش بس بنتعبد بيها، لكن بنعيشها، ونطبقها في كل تعاملاتنا وأخلاقنا ونظرتنا لنفسنا ولكل حاجة حوالينا.

وأوضح من خلال حلقات أبواب الخير في رمضان، فكرنا إننا نسافر معاكم في رحلة إيمانية روحانية مع أسماء الله الحسنى. هنقف عند كل اسم، ونسأل: بيعمل إيه في حياتنا؟ وبيغير فينا إيه؟ ونستعرض في كل حلقة اسم او اسمين من اسماء الله الحسني

وتابع هنفهم إن أسماء الله الحسنى مش بعيدة عن واقعنا، ولا منفصلة عن مشاكلنا اليومية. كل حلقة هنقف مع اسم أو اتنين، نعيش معاه، نشوف أثره في حياتنا، وازاي لما نعرفه صح، حياتنا كلها هتتغير، وقلبنا هيهدى، ونظرتنا للدنيا هتبقى أوسع.

أسماء الله الحسنى لما نعرفها، حنعرف ربنا أكتر، ولما نعرف ربنا أكتر، حنخاف أقل، ونطمن أكتر.

ووجه الليثي نصيحة في أولي حلقات البرنامج .. إن رمضان مش بس صيام عن الأكل والشرب، لكن صيام عن العصبية والقسوة والظلم. يعني وأنت صايم، كلمة تجرح تفسد روح الصيام، نظرة استهزاء تنقص أجر، غضب بلا داعي يضيع معنى العبادة.
خلي صيامك يبان في أخلاقك وكلامك وصبرك.

نصيحة:
حافظ على لسانك وقلبك في رمضان، وخلي الصيام فرصة لتطهر نفسك وتقوي إيمانك.

وعلي جانب آخر يقدم  البرنامج خلال شهر رمضان رحلات عمرة، ومساعدات مالية ، كما يقدم عدد كبير من المشروعات الصغيرة وأطراف صناعية وكراسي كهربائية.
 
كما يساهم البرنامج في الأفراح عن عدد كبير من الغارمات ، ويلعب البرنامج دورا مهما في علاج غير القادرين وادخال البهجة والسرور علي قلوبهم من خلال تلقي الاتصال الهاتفية بشكل مفاجأة علي الهواء طوال شهر رمضان.
 
فكرة البرنامج تأتي في إطار دعم أهالينا، من خلال التواصل مع المستمعين علي الهواء مباشرة وتلبية احتياجات المواطنين في نفس اللحظة ومتابعي البرنامج.
يذاع برنامج أبواب الخير  يومياً من السبت الي الأربعاء خلال شهر رمضان في الثالثة عصرا عبر اثير إذاعة راديو مصر والإعادة في السابعة مساءً بعد الإفطار .