محمود حجازي يرد على زوجته: مهما عملتي مش هتنزل عن ابني

رد الفنان محمود حجازي على الاتهامات التي واجهت إليه بشأن التعدي على زوجته وفتاة أجنبية.

ونشر الفنان محمود حجازي على حسابه الشخصي بموقع التواصل الاجتماعي "إنستجرام" وقال: "إحنا منعرفش الخير فين وليه بيحصل كل ده؟ أكيد ربنا ليه حكمة والحقيقة هتبان هتبان، وساعتها هبقى ضامن حقي في الدنيا زي ما ضامن حقي في الآخرة".

وأضاف: "كفاية كذب، ده أنتوا حتى بتكذبوا في الشهادة العلمية وبتقولوا دكاترة، فين طيب الدكتوراه دي؟ وهي كذبة بتحاولوا تداروا بيها عن نقصكم. أنتم فاضيين ولا تعملوا غير على أذيتي وكل من حولي".

وتابع: "مهما عملتوا مش هنتنازل عن منع_سفر ابني اللي أنا محروم منه، ولحد دلوقتي أبويا وأمي لسه ماشافوهوش خالص من ساعة ما اتولد وبقي عنده سنة ونص، وبقاله في مصر ٥ شهور. ربنا موجود وأنا أقوى من أي حاجة عشان معايا الحق، ومهما صرفتوا من حملات عشان تدمروني مش هتعرفوا، ده تعب سنين، ولو عايزين تتشهروا اصبروا، لسه اللي جاي هيشهركوا أكتر، رغم إني كنت ساكت عشان خاطر ابني، بس دلوقتي خلاص لازم الدنيا كلها تعرف حقيقتكم زي ما ربنا عارفها. إني فوضت أمري لله".

واختتم: "وبجد اللي حصل ده علمني كتير أوي، وشكراً لكل حد سأل عليا أو قال كلمة خير في حقي.. ولكل حد بيتكلم عن الموضوع وكأنه عايش معانا وبياكد اتهامات من غير دليل. حسبنا الله ونعم الوكيل، لقاؤنا قدام ربنا، أنا واثق في ربنا والقضاء المصري وحقي هيرجع بالقانون".