عاد معتذرًا.. إمام عاشور يخوض تدريب انفرادي في الأهلي تنفيذًا للعقوبة

وصل إمام عاشور، نجم النادي الأهلي، لمقر النادي منذ قليل، لتنفيذ العقوبة الموقعة عليه بالتدريب منفردًا لمدة أسبوعين، بسبب ما بدر منه خلال الساعات الماضية.

وشارك إمام عاشور في مران انفرادي بالنادي الأهلي استعدادًا للفترة المقبلة، بعد اعتذاره أمس الجمعة لمسؤولي وجماهير المارد الأحمر.

إبراهيم عبدالجواد ينتقد إمام عاشور

انتقد الإعلامي إبراهيم عبد الجواد بشدة تصريحات إمام عاشور التي نشرها عبر حسابه على "إنستجرام" لتوضيح سبب تغيبه عن سفر الأهلي إلى تنزانيا، مؤكدًا أن روايته غير مقنعة إطلاقًا ولا تستند لأي منطق.

وقال عبد الجواد: "بحق الله، الكلام اللي إمام كاتبه النهارده مش داخل دماغي. مفيش حد تعبان يقفل تليفونه ويخلّي كل أهله يقفلوا التليفونات. الفعل اللي عمله عاشور محدش عمله في تاريخ الأهلي كله. أنا بتخنق من أي مبرر.. الغلط واضح أوي."

وأضاف أن إصدار الأهلي عقوبة مالية كبيرة مع إيقاف اللاعب يؤكد أن إدارة النادي لم تقتنع بتبريراته: "مسؤولي الأهلي لو شايفين إنه فعلاً كان تعبان، مكانوش هيوقعوا عليه العقوبة دي. كان الأحسن إنه يكتب: أنا آسف وخلاص. لكن التبريرات الكتير دي مالهاش أي معنى."

وكيل اللاعب ميعرفش حاجة 

وفي سياق متصل، كشف عبد الجواد عن حديثه مع آدم وطني، وكيل إمام عاشور، قائلاً: "تواصلت مع آدم وطني، وأكد لي إن اللي حصل من إمام غير احترافي بالمرة، وهو نفسه معرفش حاجة غير من السوشيال ميديا. اللي عمله ده يضره حتى لو بيفكر يحترف.. مين هيضم لاعب يعمل كده مع فريقه؟"

واختتم عبد الجواد تصريحاته بالتأكيد على رفضه التام لما بدر من اللاعب: "أنا ضد اللي عمله إمام وضد الطريقة اللي فكر بيها. الموضوع ده كان من دماغه هو، وعرفناه زي الناس كلها من السوشيال ميديا."