هادي رياض رسميا في الأهلي قادما من بتروجيت

اعلن النادي الأهلي منذ قليل بشكل رسمي التعاقد مع المدافع هادي رياض قادما من نادي بتروجيت بعد صراع طويل في المفاوضات 

رسالة هادي عبر الفيسبوك 

عايز اتوجه بالشكر لجميع العاملين في نادي وشركة بتروجيت بداية من رئيس الشركة ورئيس النادي و الجهاز الاداري و المشرف العام علي الكرة علي مساعدتهم طوال السنين الاخيرة في مساعدتي كلاعب ضمن الفريق و احد كباتن الفريق.
عايز کمان اشكر الجهاز الفني بقيادة الكابتن و الاب / سيد عيد علي مساعدته المستمره ليا و الباقي لاعبي الفريق منذ تولي مهمة الفريق و الصعود للدوري الممتاز بمنتهي الاخلاص والتفاني فالعمل و جميع افراد الجهاز.
عايز كمان اشكر الجهاز الطبي بالكامل طول الوقت كانو معانا و مخلصين في عملهم.

و عايز اشكر رجالة الاوضه اللي من غيرهم مستحيل كنا نقدر ننجح او نوصل لاي هدف من اهدافنا اللي حققناها، كانو دايما بيعملو ۲۰۰ و عمرهم مقصروا معانا.
اخواتي و اصحابي و اهلي و رجالتي ك كابتن للفريق لاعبي الفريق بالكامل، شكرا علي كل حاجه من غيركم كنت مستحيل اقدر اوصل لاي حاجه و بعتذرلكم لو كنت في يوم قصرت مع اي حد ربنا يعلم انا كنت دايما اخ و صاحب و دايما كنت عايز اعمل لكم افضل حاجه ك كابتن للفريق و اخ. شكرا
إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ وَاللَّهُ غَفُورٌ رحِيم"
مسيرة امتدت لاربع مواسم و نصف بين جدران نادي بتروجيت و وصلت انهارده لنهايتها و لنا لقاء ان شاء الله. شكرا جزيلاً