محمد عبد الوهاب يهاجم نقيبي الموسيقيين والممثلين بعد تدخلهم في أزمة شيرين

هاجم محمد عبدالوهاب شقيق الفنانه شيرين عبد الوهاب نقيبي المهن الموسيقيه  والمهن التمثيليه بعد تدخلهم لحل ازمة شقيقته.

وقال محمد عبدالوهاب عبر حسابه الشخصي فيسبوك: الاستاذ نقيب الموسيقيين و الاستاذ نقيب الممثلين هو ليه حضرتكم مبتظهروش في الصورة غير لما يكون في حاجه .
 

واضاف:"يعني ليه مش بتسألوا عليها في الايام العادية طالما امرها يهمكم اوى كده خلاص بقي كفايه متاجره ارحموها بقي".

واكد :"والسادة الصحفيين والمعدين والإعلاميين محدش يكلمني انا مش هعمل اي حوار واي مداخله ولا اي شيء انتو بردو ناس كلكم عايزين ربتش وترند فقط ليه محدش فيكم بيكتب لها والدنيا هاديه كلام حلو بدون ما يكون في ازمه او مشكله كفايه بقي الله يخليكم والله حالتها تصعب علي الكافر ومحتاجه هدوء عشان تعرف تتعافي اخباركم وكلامكم والله بياثر عليها ".

وتابع :"انا اتكلمت بحترام وادب بعد كده هقل ادبي علي التخين فيكم وانا والله بطولي بس بعون الله قد اي حد وبينا القانون مفيش اي حد ليه الحق يطلع يتكلم او يكتب عن شيرين حاجة ".

وأختتم :"ايا كان صفته نقيب اعلامي صحفي شاعر ملحن موزع الكلام للكل اللهم بلغت اللهم فاشهد".