الجمهور هو المستفيد.. رامي إمام يعلق على أزمة الأعلى أجرًا

علّق المخرج رامي إمام على أزمة لقب الأعلى أجرًا بين شقيقه الفنان محمد إمام والفنان أحمد العوضي.

وقال المخرج رامي أمام في لقاء خاص مع "بصراحة": "نحن كلنا إخوة وكلنا زملاء، والمنافسة شريفة جدًا التي بيننا، وأحب النكش الذي يحصل، وفي الأول والآخر المستفيد هو المتفرج المصري".

وأضاف: "ومصر كبيرة، فيها كذا وفيها كذا، وهي دي أحلى حاجة في الفن، وفي الآخر الذي يحصل ده هزار".

واختتم: "وأتمنى لمحمد التوفيق والنجاح والاستمرار الذي هو فيه، وإن شاء الله دائمًا متفوق".

علق النجم محمد إمام على الجدل المثار بعد المنشور الذي كتبه عبر “فيسبوك”، والذي وصف نفسه من خلاله أنه النجم الأعلى أجرا في مصر".

خلاص يا جماعة بطلوا عياط كلكوا أعلى أجور ومشاهدة 

وعلق محمد إمام قائلا: “خلاص يا جماعة بطلوا عياط كلكوا أعلى أجور ، وأعلى مشاهدة، وأعلى كل حاجة، سيبونا نشتغل في هدوء شوية بقا الله يكرمكم، علشان مفيش وقت".

عمري ما حطيت حد في دماغي

وكان محمد إمام قد علق أمس على موضوع الأعلى أجرا من خلال منشور كتبه عبر “انستجرام”، والذي جاء كالتالي: "

“أنا مش عارف ليه في ناس فهمت ان انا نزلت بوست لشخص محدد، أنا عامله ليهم كلهم و نتكلم جد شويه، أنا عمري لا حطيت حد ولا هحط حد في دماغي و ده اللي اتعلمته من أبويا ربنا يخليه لينا”.

وأضاف: "إني أكون إبن أكبر نجم في التاريخ و وصلت للي أنا فيه دلوقتي ده ماكنش سهل أبداً و بحمد ربنا عليه كل يوم ، و ده كان بفضل حبكم و دعمكم ليا بعد فضل ربنا سبحانه و تعالى، يعني أنا أصلاً فيا اللي مكفيني  و حقيقي بتمنى الخير للجميع ، المنافسة دي بتخلينا نطلع احسن ما فينا و كل ده في صالح الجمهور العظيم اللي زيكم .. بشكر كل اللي بيحبني، أنا بحبكم أكتر بكتير و أنتوا أهم حاجه في حياتي بعد عيالي