أول رد من طارق مصطفى عقب عدم تعيينه مدير فني للزمالك

قرر مجلس إدارة نادي الزمالك تعيين معتمد جمال كمدير فني للزمالك ،رغم ترشيحات كبيرة لطارق مصطفى 

تصريحات طارق مصطفى مع شوبير 

 وقال طارق مصطفى:" محدش كلمني رسمي من داخل نادي الزمالك بس أنا يا  مجيش مدير فني مؤقت، أنا آجي مدير فني الفترة كلها، لازم يتعملي عقد  لكن مجيش مدير فني مؤقت، أمسك ماتشين تلاتة أربعة وبعدين يجيبوا مدرب وأبقى مساعد لمدرب سواء أجنبي أو مصري"

وتابع :" أنا جون إدوارد اتكلمت معاه مرتين في حياتي ،هو كان مسؤول كنا بنجيب لاعيبة للبنك الأهلي ساعتها اتكلمنا بخصوص أظن الزناري ومصطفى شلبي، ودول المرتين اللي حصل الحوار بيني وبين جون إدوارد، لكن قالي ليس لي علاقة به لا من قريب ولا من بعيد"

 وواصل :"طبعاً كان هيبقى معايا كابتن طارق يحيى، وده أمر كان ممكن يغضبه ،أنا عندي جهازي اللي بحب أشتغل بيه، وأنا ارتحت في الشغل مع الكابتن طارق يحيى، طارق يحيى كان مدير فني عليا وأنا كنت مساعد ليه"

وأكمل :" وبعدين بقى مدير كورة معايا وشغله مريح جداً وفاهمني كويس، وأيضاً لن أسمح لأحد بالتدخل في عملي على الإطلاق مع كل الاحترام للناس كلها

وأكد:" نفسي أدرب نادي الزمالك حتى رغم الظروف الصعبة، الزمالك خيره عليا وأنا عندي أكتر من حل إن شاء الله لحاجات كتيرة جداً، بس هبقى محتاج شوية صبر عشان الدنيا تمشي بشكل جيد "

واختتم :" الزمالك فرقة جيدة وفرقة قادرة إنها تفوز بامر الله وتكسب وإن شاء الله يستعيد مكانه ومكانته مرة تانية"