علا رامي: بقالي أكتر من 10 سنين قاعدة في البيت منتظره العروض (فيديو)

تحدثت الفنانة علا رامي عن تفاصيل في حياتها الشخصية والفنية، وعن أسباب غيابها عن الساحة الفنية بشكل مستمر.

المعروض قليل

كشفت علا رامي عن أسباب غيابها المستمر عن الساحة الفنية قائلة: "غيابي عن الساحة الفنية غير مقصود، لأن التمثيل عرض وطلب، والمعروض عليا قليل، وأنا ممثلة محترفة بقالي أكتر من 37 سنة، ولكن بقالي أكتر من 10 سنين قاعدة في البيت منتظره العروض، وده حالة كل الممثلين.

تعرضت للظلم

كما تحدث علا رامي عن أنها تعرضت للظلم في بدايتها الفنية لمدة من 15 لـ 20 سنة، لأن مكنش فيه قنوات كتير أو منصات، أو أي من السبل المتاحة حاليا، ودي مشكلتي أنا وكل جيلي “ودلوقتي طبيعة أدواري اتغيرت لإني كبرت في السن”.

 كان بيننا غيرة قاتلة

وتحدثت علا رامي عن أسباب  طلاقها من المطرب نادر أبو الليف،  قائلة: “إحنا كان بيننا غيرة قاتلة على بعض، وده اللي خلى الزواج ميكملش”.

عايش مبسوطة من غير زواج 

كما كشف علا رامي عن إمكانية زواجها مرة أخرى، وقالت:  “أنا عايشة مبسوطة كدة من غير زواج، ومعنديش طاقة ارجع من تاني افهم طباع  أو استحمل تحكمات  حد، والواحدة لما يكبر بيبقى خلقه ضيق، وفيه واحدة صاحبتي خانتني، لكن مش ده السبب إني اتعقد في الزواج”.

وأضافت: “بعد انفصالنا مازالنا أصدقاء وبيننا علاقة جيدة، مشيرة أن الغيرة من الممكن أن تكون قاتلة، وتدمر العلاقة بين الزوجين مهما كانت قوتها”.

مفيش حاجة اسمها نجم رقم واحد

كما كشف علا رامي عن رأيها في لقب نمبر وان قائلة: “مفيش حاجة اسمها رقم واحد، لكن فيها حاجة اسمها النجم كبروا وشهروا، لكن مينفعس نجم يقول على نفسه نمبر وان”.

وأضافت: “أنا بشوف ممثلين كتير نمبر وان زي كريم عبدالعزيز وأحمد عز، ولكن هما مبيقولوش كده”.

غياب علا رامي عن الساحة الفنية 

وتتغيب علا رامي بشكل لمدة ثلاثة أعوام عن الساحة الفنية منذ مشاركتها في أخر أعمالها، وهي فيلم “ويزو سكول”، والذي سبق عرضه عام 2023.

تفاصيل 

يذكر أن برنامج تفاصيل هو برنامج حواري تقدمه الإعلامية نهال طايل عبر برنامج صدى البلد، وتستضيف من خلاله عدد من الشخصيات في عدة مجالات منها السياسية والاجتماعية، والاقتصادية والفنية.