حمو بيكا: أفلام محمد رمضان سبب كلمات الأغاني الخارجة القديمة بتاعتي

أكد مطرب المهرجانات حمو بيكا، أن السبب في كلمات الأغاني التي بها ألفاظ خارجة هي بعض قصص الأفلام التي كانت تعرض في الوقت السابق، لأنه كان يقدمها للجمهور من خلال أغاني المهرجانات.

وأضاف «بيكا» خلال لقائة مع الاعلامية إنجي أنور، ببرنامج «مصر الجديدة " المذاع على قناة «ETC»، اليوم الثلاثاء: «اللي كنت بشوفه في الأفلام بقوله في الأغاني، وأفلام محمد رمضان هي سبب كلمات الأغاني الخارجة القديمة بتاعتي مثل عبده موته الألماني ودلوقتي خلاص مبقاش يقول الألفاظ دي، لأن الأول حاجة ودلوقتى حاجة».

وتابع: «ممثلين كبار بيقولوا كلام المفروض ما يتقلش، مثل باسم سمرة، وفيه ممثلين كتير بيقولوا كلام المفروض مايتقلش لأن فيه الفاظ خارجة»، موجها رسالة لـ نقابة المهن الموسيقية، قائلا: «بقالي 5 سنين بيوقفوني وبيقطعوا لقمة عيشي، وبيقولولي اطلع غني بره مصر، وكل شغلي خارج البلد دلوقتي، وإزاي كل حياتي هنا ومش شغال في بلدي، وأنا مش فارق معايا أي حاجة خلاص».

وأوضح: «أنت مش ربنا لأنك عبد زي زيك، وربنا هو اللي بيرزق واللي خلاك تتحكم فيا إن ربنا إداك السلطة»، متابعا: «هاني شاكر ميعرفش أي حاجة وميرضاش باللي أنا فيه ده»، مضيفا: «الـ 13 شخص اللي كانوا ممنوعين من الغناء اتشكل لهم لجنة في طنطا وأنا جابولي ناس من الأوبرا وقالولي روح اتعلم الأول، وده كده مفيش ظلم ولا افتراء ليا يعني، ولكن ربنا كبير».

وفي نفس السياق، قال مطرب المهرجانات الشعبية حمو بيكا، إنه ندمان على بعض الأغاني الشعبية التى قام بغنائها ويوجد بها بعض الكلمات الخارجة، مضيفا أن «أنا بقدم فن وبيسمعني ملايين».

وتابع: «كنت على باب الله مكنتش أعرف يعني إيه فيس بوك أو تويتر أو يوتيوب أو غيره من منصات مواقع التواصل الاجتماعي»، موضحا: «بقالي ١٠ سنوات بغني وعملت أكثر من ١٥٠٠ تراك».