سبب فني من المدرب.. شوبير يكشف تفاصيل فشل انتقال حامد حمدان للأهلي

كشف الكابتن أحمد شوبير عن سبب فشل الأهلي في التعاقد مع الفلسطيني حامد حمدان لاعب بيتروجيت وانتقاله لبيراميدز .

تصريحات شوبير 

 وقال الكابتن أحمد شوبير :"اللي اتكلم مع حامد حمدان كان طه نوح المعد البدني اللي في الأهلي وراح مع المنتخب الفسطيني في بطولة العرب وقالوله جس نبض الولد والولد كان مرحب جدا لكن الأهلي استني لما تخلص القصة بالكامل وتاخد الرأي الفني .

 وتابع :"طبعا حالة غضب جماهيري من وقت مـ أُعلن أن حامد حمدان راح بيراميدز ، فبدأ البعض يقولك لا لسة حامد حمدان رايح الأهلي وبتاع ، لما أطلع في الاذاعة هنا وأقولك حامد حمدان راح خلاص انتهت انا قولتلك راح ووقع وخلصت والدنيا تمام .  

 وأكمل :"لما الاهلي تعاقد مع بالعمري في الشمال خلاص مش محتاج حد والمساكين واضح ان الراجل لقي ضالته ، وبعدين جيه في وسط الملعب قالك ديانج مكمل لاخر السنة معايا والاهلي بيحاول معاه نشوف الدنيا شكلها اية وفي بن رمضان ومروان عطية طبعا "

 وقال انه بيستخدم كوكا في المركز دة وقال انا مش محتاج في هذا المركز وطالما غطيت الباك ليفت خلاص المدافعين هما ليهم الأولوية لأن دة مش مركز حامد فأيوة قولت ان توروب معجب بحامد حمدان بس إحنا بتوع خبر وقولنا الخبر الأهلي أتكلم مع حمدان نعم اتكلم مع بتروجيت جس النبض.