أحمد عبدالحميد ينشر أخر صورة له مع والده الراحل: أشوفك على خير

شارك الفنان الشاب أحمد عبدالحميد جمهوره بأخر صورة تجمعه بوالده  الماكيير الراحل محمد عبدالحميد يوم ميلاده الذي كان قبل وفاته بأيام.

ونشر أحمد عبدالحميد الصورة الأخيرة التي تجمعه بوالده الراحل قبل وفاته، وذلك عبر حسابه الخاص بموقع تبادل الصور والفيديوهات “انستجرام”.

 كان قلبى بيقولى ده أخر عيد ميلاد ليك

وعلق أحمد عبدالحميد قائلا: “الصورة دى من أخر عيد ميلاد ليك .. وأنا بتصورها معاك كان قلبى بيقولى ده اخر عيد ميلاد ليك و أخر مرة هقدر أفرحك،  بس ولا أنا ولا أنت كنا عارفين إن فرحك جاى، وإن ربنا هيرزقك البداية الأبدية فى جنته إن شاء الله بوجه مستبشر كدة زى ما كل إلى ودعوك شافوه ”.

وأضاف: "كنت آخر سنين تقولى أنا إتنسيت خلاص يا أحمد و لما أقولك فلان بيقولى سلملى على “ الأستاذ، تقولى ياااه فيه الخير الحمدلله أنه لسه فاكرنى أو لسه فكرانى .. لو شفت حب الناس ليك بعد ما مشيت سواء فى خارجتك أو فى عزاك أو حتى على صفحاتهم هتعرف قد ايه انت كنت عظيم و هتفضل تاريخ و هتفضل سيرتك حلوة و ساترنا طول ما إحنا عايشين”.

 منعم فى جنة الرحمن مع حبايبك

وإختتم: "بس أنا عارف ان كل ده ولا يشغلك دلوقتى يا عم وانت منعم فى جنة الرحمن مع حبايبك كلهم و هو ده عزائى الوحيد ربنا يرحمك يا أطيب قلب و احسن أب و يجعلنى خير خلف ليك و افضل محافظ على اسمك و سيرتك و اخلاقك الى سايبها فى قلوب الناس، أشوفك على خير يا حمادة ".

عزاء محمد عبدالحميد

وكان عزاء محمد عبدالحميد قد أقيم أمس الأربعاء بمسجد الشرطة في مدينة الشيخ زايد.

وحرص على حضور العزاء عدد من النجوم على رأسهم أحمد السقا، وهند صبري، ومحمد إمام، وماجدة زكي، ونور النبوي، وهنادي مهنا، وميرفت أمين، ومحمد عز، ومصطفى خاطر، وحسن أبو الروس، وخالد أنور، وأحمد كمال أبو رية، وعمر السعيد، والمخرج محمد سامي، وعدد آخر من الوسط الفني.

وفاة محمد عبدالحميد

وكان محمد عبدالحميد قد رحل عن عالمنا الثلاثاء الماضي إثر تدهور حالته الصحية.