خالد الغندور يكشف آخر تطورات صفقة حامد حمدان

تستعد الأندية المصرية لتقوية صفوفها خصوصا مع إقتراب ميركاتو يناير والإنتقالات الشتوية القادم لتدعيم الإسكواد وسد ثغرات الفريق،وبرز اسم حامد حمدان كورقة رابحة لكل فرق الصفوة المصرية .

خالد الغندور عن حامد حمدان

وقال الإعلامي خالد الغندور عن حامد حمدان:" كان في الصيف بيعيط ويبكي وبيمتنع عن التدريبات، لأن حلم حياته الزمالك وأنا مش عايز غير الزمالك"

 وتابع :" النهارده حامد حمدان عنده الزمالك القيد مقفول لتامن مرة على التوالي، وعندك الزمالك غير مستقر مالياً، وفي نفس الوقت جايله عرض جامد جداً من بيراميدز، عرض جامد جداً من النادي الأهلي، عرض جامد من قطر"

وواصل:"قبل كده طلع الزميل كريم حسن شحاتة وقالك كابتن محمود الخطيب صاحب رئيس مجلس إدارة بتروجيت هو اللي منع إن حامد حمدان يمشي في الصيف ،والزمالك كان عارض في الصيف 40 مليون ولكن بتروجيت رفض ووافق على 20 مليون في الشتاء.

وتسائل :" يعني إيه مصلحة بتروجيت في القصة دي؟ وانا وقتها استغربت وقولت لا يمكن ده يحصل، ده تقريباً ملعبشي غير ماتشين منهم ماتش الأهلي ."

وأكد أن: بتروجيت بدأ يقول برضه للصحفيين إن خلاص أنا مبقتش موافق حتى على الإيميل اللي أنا بعتته مع الزمالك بالـ 20 مليون، مش موافق لأن أنا جاي ليا 30 مليون من الأهلي وجاي لي حوالي أكتر من حاجة و40 مليون قد يصل 50 مليون من بيراميدز."
 

وقال ايضا :"فأنت تقعد تفكر ليه بتروجيت رفض ياخد 40 مليون في الصيف وأنه ياخد 20 مليون في يناير ، فهل فعلا اللاعب هيروح الأهلي علشان كابتن الخطيب صديق رئيس بتروجيت وكابتن سيد عبدالحفيظ كلمه فعلا ولا القصه رايحه فين"

 
واستعجب :" لكن في الاخر هل حامد حمدان يلوم؟ لأ طبعا .. أي حد بيتفرج مثلاً من الزملكاوية يقول حامد حمدان ده وحش أوي ده خاين.. خاين إيه يا عم؟ 

إذا كان زيزو راح الأهلي ،فالنهارده حامد حمدان هيبص على مستقبله، على عيلته في غزة، على إخواته، حتى لو زملكاوي إيه يعني؟ 

 واختمم :"وبعد كده خدوا بالكم في لعيبة بتقعد تموت نفسها على الزمالك أول ما يخش الأهلي في القصة وفي فلوس أكثر.. بيروح رايح للأهلي، الأهلي بقى استقرار وفلوس في مواعيدها والشعبية والإعلام والجماهيرية"