أقبل جميع الآراء.. أول رد مع أحمد شوبير بعض الانتقادات على استضافته يانيك فيريرا مدرب الزمالك السابق

تحدث الإعلامي أحمد شوبير، عن التعليقات التي تبعت استضفاته لمدرب الزمالك السابق البلجيكي يانيك فيريرا، عبر قناة النهار، بعد حالة الغضب الي سيطرت على الوسط الزملكاوي.

تصريحات أحمد شوبير

قال أحمد شوبير: “يبدو أن مداخلة يانيك فيريرا أعجبت البعض، وأزعجت البعض شكرًا للمعجبين، وألف شكر للمنزعجين، لأن ده دورنا وشغلنا”.

وتابع عبر برنامج الناظر: “شغلنا إننا ما نألفش ونقولك الحقيقة ونتجدعن ونجيبلك المصدر، والمصدر يقول لو قال شعر يبقى مرحبًا، ولو قال غير شعر، ناس كتير يردوا، مفيهوش مشاكل ولا أزمات”.

وأكمل: “لكن محدش يعدل علينا، لأننا بنشتغل ونجتهد ونتعب، فبنحاول، فربنا بيكتب لنا النجاح”.

وزاد: “وإذا طلب مني إني أجيب يانيك فيريرا من بلجيكا وأحطه قدّامي ونتكلم ونتحاور معاه، ده شيء يسعدني جدًا… هو أو غيره”.

وأضاف أحمد شوبير: “الراجل قال شوية حاجات، اللي عاوز يرد يرد، واللي عاوز يهاجم، يا مليون مرحبا”.

حلقة أحمد شوبير مع يانيك فيريرا

وواصل: “أحبك وأموت فيك وأنت بتهاجم، على الأقل خليتك تتحرك وترد، وده جميل جدًا، وده المطلوب، إن الناس ترد، لكن بالحقائق”.

وأوضح: “من أهم الحلقات استضافة يانيك فيريرا، والراجل اتكلم في نقاط كتير جدًا”.

وأكد: “أنا معرفش البعض زعلان ليه، حضرتك زعلان ومتضايق ومنفعل ليه، بالراحة قولا واحد، اتنين، تلاتة، أربعة، والراجل أخطأ، ويطلع مسئول يرد عاوز ييجي هنا، مليون مرحبا، نفتح له الأبواب وأهلا وسهلا”.

وذكر: “لكن شغل بتاع “امسكوا الخشب يا حبايب لنتحسد على أهون سبب”، ده مش معايا ما تتعبوش قلبكم، ما بيمشيش معايا خالص”.

وأتم أحمد شوبير حديثه: “أنا بيمشي معايا الشغل، وهافضل متمسّك بيه، إني أجيبلك المصدر، والمصدر يتكلم عندك ردود، رد براحتك وما أكثر الهلفطة، متعوّدين جدًا”.