محمد رمضان: السولية رفض التجديد لمدة موسم واحد.. وقرار رحيل علي معلول كان صحيح تماما

تحدث محمد رمضان المدير الرياضة السابق للنادي الأهلي، عن تفاصيل بعض القرارات التي تم اتخاذها خلال تواجده داخل جدران التتش.

تصريحات محمد رمضان

قال محمد رمضان: “محمد الشناوي وياسر إبراهيم، وقعا علي بياض و لم يكن لهما أي شروط”.

وتابع عبر قناة النهار: “كنت مقتنع برحيل معلول ومعايا الجهاز الفني وعرضت عليه يكون مساعد مدير رياضي، في النادي جربنا معلول لحد شهر 12، صدقني الجرية بتاعته مش مظبوطه بنسبة 100%، حتي لما مشي كولر وجاء عماد النحاس كان عنده نفس قناعات كولر”.

وأضاف: “عرضنا علي السولية التجديد لمدة موسم، لكنه رفض و قال لي أنا عاوز ألعب خارج مصر، وعندي عروض بالفعل، ومروان عطية كان مرن تماما في التفاوض، وعدلت عقد وسام أبو علي وعملنا له امتيازات في عقده".

محمد رمضان المدير الرياضي السابق للنادي الأهلي

وزاد: “وجهة نظري و رأيي الشخصي ربما أكون صح أو غلط، وجود مدير رياضي لا يصح مع وجود لجنة تخطيط، لو في مدير كورة، بس هات لجنة تخطيط لكن طالما جبت مدير رياضي يبقي اللجنة دورها إيه، إلا إذا كانت تعمل من خلال المدير الرياضي”

وأكد: “حصل توتر بيني وبين كولر في بداية تواجدي، لأنه كان بيعمل كل حاجة في الكورة في النادي، لما انا جيت كابتن خطيب قاله الراجل دا هو مكاني ف الكورة”.

وذكر: “كولر قبل ما أجي كان عامل أعلى أرقام من سنه 2000، وأرقام لم تحدث في النادي، والنتائج تراجعت بعد تواجدي”.

وأتم: “كان عندنا إحساس أنا وسامي وشوقي، إن هو بيعاند لحد آخر ماتش اللي هو صن داونز، روحنا عملنا نتيجة جيدة، وكان في أداء هجومي، لكن الراجل في ماتش العودة حب يلعب مدافع اتكلمنا معاه بالمنطق، إننا نهاجم حتى نصف ساعة لكن كلنا حسينا إنه بيعاند في الاختيارات والتكتيك”.