المحمودي يكشف تفاصيل أزمة حراس الزمالك في مبارة كايزر تشيفز

شهدت مباراة الزمالك وكايزر تشيفز الأخيرة مشكلة بين حراس الزمالك ،محمد صبحي ومحمد عواد عن أحقية كليهما في اللعب أساسيا ،وكشف المحمودي عبر قناة أون سبورت أسباب وتفاصيل الأزمة .

 تصريحات المحمودي

 وقال المحمودي : ما حدث من امبارح لحد النهارده بعد المباراة في أزمة محمد عواد ومحمد صبحي، وأنا بسميها أزمة لأنه ما أعرفه إنها أزمة.
 اللي حصل بالترتيب كالتالي: امبارح بالليل عرف محمد عواد إنه مش هيكون حارس مرمى نادي الزمالك في مواجهة كايزر تشيفز. هو بيقول: "أنا استجبت".

ما يقال داخل الزمالك إن عواد يمكن يبقى بعت المعلومة أو قال للمقربين منه: "يا جماعة أنا بكرة مش موجود، صبحي هو الحارس"، وإن ده خلّى الأمور شوية داخل معسكر الزمالك: "إزاي المعلومة دي خرجت؟".

 عواد بيقول: "أنا ماليش أدنى علاقة، ما اتكلمتش مع أي حد، ده قرار فني اتخذه أحمد عبد الرؤوف وأنا استجبت للقرار. كون إن حد عرف… أنا مالي؟".
أنت كنت جاي من السوبر معتقدًا اني شيلت الفريق ومن حقي أكمل

 الناحية التانية: كابتن أحمد عبد الرؤوف يرى إن الموضوع مش موضوع عواد ولا موضوع صبحي؛ الموضوع بتاعي، بالنسبة لي الحارس رقم واحد هو محمد صبحي، زي ما في الأهلي الحارس رقم واحد محمد الشناوي.

 الحارس الأول يتصاب أو مستواه يقل، الحارس الثاني بياخد مكانه ونرجع للوضع الطبيعي. فطبيعي إن محمد صبحي حارس مرمى الفريق اللي هو شايفه فنيًا أعلى هو اللي يقف. وجهة نظر فنية.

 محمد صبحي من الناحية التالتة مارس كل أنواع الضغوط الممكنة علشان يبقى في المعسكر القادم للمنتخب المصري. هو واحد من الأربعة، إنه: "يا جماعة أنا فت، أنا جاهز، أنا الأساسي".

 بالمناسبة اللي بيطلبه عواد واللي بيطلبه صبحي هو محمود جدًا في فكره إن في معسكر منتخب. 

فالاثنين بيلعبوا على مكان، قناعة منهم إن الشناوي، أحمد، ومحمد، ومع مصطفى موجودين

فإحنا الاثنين اللي هيشارك فينا غالبًا هو الرابع. دي وجهة نظرهم.
 

الموضوع هنا — وده رأيي الشخصي — إن المسافة طوّلت جدًا بدون اعتماد حارس أساسي. ولما تم اعتماد الحارسين لما كابتن عبد الرؤوف قال إنه في النهاية صبحي، وعواد الثالث، استشاط غضبًا: "طب أنا فين من الليلة دي؟ طب انتوا جايبيني ليه أصلًا؟"، علشان كده موضوع حراسة مرمى الزمالك تحول لشكل غريب بعض الشىء.
 أنا بقى أقف عند حاجة غير كل الكلام ده عند صبحي.

صبحي فنيًافي المباراة  مشكلة كبيرة جدًا جدًا. لما يكون في كل هذه الثقة وفي الآخر الموضوع يكون بهذا الشكل. كل حراس العالم بيغلطوا، أه… لكن انت في النهاية أي فرصة تانية هتيجي لك أكتر من كده؟