رحيلي قرار إداري وليس فني .. السولية يصدم جماهير الأهلي بأسباب رحيله عن النادي

تحدث عمرو السولية لاعب الاهلي السابق وسيراميكا كيلوباترا الحالي اليوم عبر قناة الكأس القطرية على هامش بطولة العرب للمنتخبات .

تصريحات السولية 

وقال السولية عن رحيله من النادي الأهلي : ‏كنت أتوقع تقدير أكبر من إدارة النادي، ورحيلي جاء بقرار منهم وليس من المدرب، بهدف بناء فريق جديد.

‏كنت أتمنى تكريمًا لي في كأس العالم للأندية، لكن للأسف لم يتواصل معي أحد لشكر ما قدمته قبل رحيلي.

وعن سؤاله هل يوجد كرة قدم خارج النادي الأهلي؟

 أجاب “اه فيه طبعاً بس بعيد عن الضغوطات مفيش ضغط الجمهور ولا الإعلام”

وانا كنت بلعب في اكبر نادي في افريقيا ودي ضغوط طبيعية ومطالب مستحقه للجمهور ولا أنزعج من فكرة الجماهير .

انضمام عمرو السولية للنادي الأهلي

وقال عمرو السولية في لقاء آخر : “كان فيه عرض من الأهلي والزمالك وأنا كنت عاوز أسافر برة مصر، وقتها في الاسماعيلي مكنتش باخد فلوس خالص، ورئيس الاسماعيلي قالي مش هينفع أوديك الأهلي الناس بتوع البلد هيدبحوني لو عاوز تروح الزمالك هاخدك أوديك من ايدك دلوقتي”. 

وتابع عبر بودكاست الإيجيبشين ليج: “قولتله أنا مش حابب أروح الزمالك، رئيس الاسماعيلي طلع في الإعلام قال إن أنا مضيت للأهلي، وأنا مكنتش قعدت مع حد أصلا والناس قعدت تشتمني على الفيسبوك، بعد الموقف ده قولت لوكيلي يلا بقى نروح نقعد مع بتوع الأهلي ونخليها بجد بقى واتفقنا”. 

وأكمل: “كابتن طارق العشري طلبني في الإمارات، وقبلها كنت ماضي رغبة للأهلي، إن لو حصل حاجة ورجعت مصر هرجع للأهلي”.

وزاد: “لعبت 6 شهور هناك وكابتن طارق مشي والمدرب الجديد قرر يغير المحترفين كلهم، وقالولي ممكن تكمل عقدك وتتمرن مع الناشئين، وخلصنا مع الأهلي بس الموضوع كان صعب، عشان الناس في الإمارات كانوا واخدين فكرة إن أنا رايح كوبري”.