هاني وين شرقي كانو مميزين .. المؤتمر الصحفي لتوروب مدرب الأهلي بعد مباراة الشبيبة

انتهت منذ قليل مباراة الاهلي وشبيبة القبائل في دوري ابطال افريقيا بتفوق الاهلي برباعية مقابل هدف وحيد .

المؤتمر الصحفي لييس توروب

وصرح مدرب الفريق ييس توروب مدرب الشياطين الحمر في المؤتمر الصحفي قائلا:

البداية كانت جيدة، وجئنا النهارده وهدفنا واحد وهو الفوز بالمباراة، عارفين معنى إنك تبدأ بفوز وتعمل بداية كويسة، شفنا النهارده قيمة الجماهير في الملعب ومساندتهم للاعبين، لو هبص على الجيم، إحنا نستحق الفوز بجدارة وكنا نقدر نسجّل أهداف أكتر من كده، لكن في 15 دقيقة في الشوط التاني إدّينا المنافس فرصة إنه يسجّل هدف. الطبيعي في ماتش زي ده إننا نكسب 7 أو 8 أهداف لأننا عملنا فرص كتير جدًا. لكن من الناحية البدنية، شايف إن في تحسّن كبير.

 وتابع :إحنا فريق واحد، بنكسب مع بعض وبنخسر مع بعض. الأخطاء شيء وارد في كرة القدم. أنا شوفت الجول، وكان فيه تداخل وحاجة صعبة على الحارس. من السهل إني أشاور وأقول إن الخطأ من ده أو ده، لكن بالنسبة لي اللي حصل حصل، شفنا مصطفى شوبير وعمل إنقاذ كويس جدًا. الموضوع كله في الأداء، الحارس اللي هيقدّم أداء هيلعب.

توروب يتحدث عن لاعبي الفريق

 واستكمل:كان عندي نوع من الحيرة النهارده أبدأ بشريف ولا بطاهر في مركز رأس الحربة، طاهر في ماتش الزمالك كان كويس وقدر يغيّر النتيجة. ومع ذلك، بالنسبة لي شريف كان الأنسب لمباراة اليوم.

 واختتم :الجبهة اليمين كانت كويسة، هاني وبن شرقي عملوا فرص كتير وعرضيات كتير.. وده مش جديد.. بن شرقي قدّم شغل كويس في السوبر، وفي مباراة الزمالك أحرز هدف رائع.. اتكلّمت مع بن شرقي عن إيه اللي ناقصه عشان يقدّم أداء أكبر.. هو لاعب كبير وعنده إمكانيات هجومية رائعة.