إبراهيم حسن: كان هدفنا تعويض خسارة لقاء أوزبكستان.. ونعمل على تكوين منتخب قوي للمنافسة في كأس العالم

تحدث إبراهيم حسن مدير منتخب مصر الأول لكرة القدم، عن تفاصيل المباراتين في بطولة العين الودية، بعد تحقيق المركز الثالث.

تصريحات إبراهيم حسن

قال إبراهيم حسن: “يعني طبعًا أنا بقول الحمد لله، أكيد مكسب في تمرين، ومكسب في ماتش ودي، ومكسب في الرسمي أهم طبعًا، بس هي القصة إنّي أصلّح حتة الماتش اللي فات”.

وتابع مدير المنتخب عبر لقاء كاب فيردي: “الماتش اللي فات، إنت مكنتش وحش، إنت عملت شكل كويس، وكنت ضاغط عليهم من أول الشوط الأولاني، والشوط التاني كان أحسن أوي”.

وأكمل: “اتخطفت في أول ثلاث دقائق، وطبعًا الوقفة كانت غلط، والراجل عدى من نص الملعب، فدي كانت غلطات، يعني هدف غلطة مينفعش”.

وزاد: “إنت طول الماتش راكب وحاططهم في نص ملعبهم الشوط الأولاني والشوط التاني نفس الشيء”.

وأضاف: “الفرقة دي عايشة مع بعض وبقالهم فترة كبيرة جدًا، والناس في أوزبكستان مطلعين، والناس دي وصلت كأس عالم من أول خطوة، يعني ولا ملحق ولا أي حاجة”.

إبراهيم حسن مدير منتخب مصر

وواصل: “الناس دي بتخطط وشغالين من فترة كبيرة جدًا، وزي ما أنت شفت كانوا حافظين وبينفذوا بطريقة غريبة جدًا، زائد القوة الجسمانية زائد القوة والسرعة اللي عندهم”.

وذكر: “الناس دي قاعدة ملهمش حاجة، غير إنهم يجهزوا منتخب عشان يوصلوا بيه كأس العالم، وحصل، والناس اللي مبصتش على أوزباكستان أو مش متابعاها، فرقة محترمة، فرقة منظمة”.

وأشار: “إحنا اشتغلنا عليها، وحظنا إن الشوط الأول زي ما قلت لك غلطة الناس اللي أخطأت في حتة الضغط على الراجل اللي كانت معاه الكورة في الهدف الأول”.

وأتم إبراهيم حسن حديثه: “الشوط الأول كنا كويسين، والشوط التاني أحسن قوي وبنحاول، بس خلاص هو تمرين وخلص”.