بعد إصابته بجلطة.. مسلم يعلن طلاقه من زوجته يارا تامر

كشف مسلم مطرب المهرجانات انفصاله عن زوجته يارا تامر، بسبب المشاكل التي حدثت بين زوجته وأسرته.

ونشر مسلم عبر حسابه بموقع إنستجرام من خلال خاصية الاستوري: “تم الطلاق بيني وبين مراتي ودا بسبب مشاكل اهلي وفضحتني قدام الناس”.

وأضاف مسلم: “حسبي الله ونعم الوكيل في اللي كان السبب وخلي بينا مشاكل وكلام زي الزفت في السمعة والشرف والأعراض وحلم وحدها أنها تعيش مبسوطة لا أكثر ولا أقل”.

وتابع مسلم: “مش مسامح اختي ولا أمي ولا اخواتي كلهم بجد على كل حاجة وصلوني ليها، انا بجد بعد الست دي مفيش ست هتخش حياتي تاني وشكرا اووي على الظروف”.

ويعيش مطرب المهرجانات مسلم فترة صعبة، حيث يعاني من أزمات صحية متتالية آخرها إصابته أمس بجلطة في ذراعه اليمين، وقبل شهرين كشف أيضًا عن إصابته بانسداد في شريان القلب واتهم مصطفى كامل نقيب المهن الموسيقية بالتسبب في مرضه بعد قرار منعه وإيقافه عن الغناء في مارس الماضي.

تزامنًا مع مرض مسلم، هاجمت يارا تامر، زوجة مسلم، أمس أشقاء زوجها مسلم، حيث كتبت: "أنا ممكن مسلم يطلقني علشان حالف عليا ما أطلعش أتكلم، بس أنا مش فارقلي إني أطلق، كل اللي فارقلي إن حد يتكلم عليا كده، وأنا معايا كل حاجة تخلي الناس تشوفها وحشة ومش راضية أطلعها، بس مفيش تربية، هي عندها مرض اسمه يارا تامر".

كما كانت زوجته يارا تامر أثارت الجدل، واتهمت أشخاصًا بعمل سحر لهم في منزلهم، حيث كتبت: “معمولنا سحر في بيتنا مش عارفة أنا عملت ايه غير إني اتجوزت راجل بحبه.. اتغلط في شرفي وبقالي شهرين ساكته عشان خاطر جوزي”.