هيدي كرم تدعم معلمة المنصورة: "سمعت شوية مزيكا قامت اتمايلت ورقصت دمرتوها وضيعتوا مستقببلها"

أعربت الفنانة هيدي كرم، عن استيائها الشديد من تجاهل الجميع، لأزمةمعلمة المنصورة، في فيديو عبر حسابها الشخصي بموقع “إنستجرام”، قائلة: “بقالنا يومين في قصة غريبة عجيبة من يومها، واحنا بنتفرج عليها ومش بنعمل اي رد فعل او اي موقف”. وأضافت هيدي، قائلة: “معلمة المنصورة الست دي في رحلة نيلية مع أصحابها وزملائها، يمكن معشراهم بقالها سنين وبتقعد معاهم وقت اكتر من اللي بتقضية في بيتها، يمكن تعرف زوجاتهم او دخلت بيوتهم، الست دي في رحلة نيلية سمعت شوية مزيكا وقامت اتمايلت ورقصت دمرتوها، ضيعتوا مستقببلها”. وتابعت: “أنا مش قادرة أصدق الست اتطلقت من جوزها، واترفدت من شغلها وبيتحقق معاها ليه، ليه، ليه، نفسي افهم ليه، عشان رقصت في مكان عام في رحلة نيلية مع زملائها مع غير ما حد يلمسها او حد يقربلها، من غير ما حد يمسكها مسكة مش لطيفة، ولا حتى حد لمسها، سواء لطيفة او مش لطيفة ومحدش قربلعها اصلا، من غير ما تلبس حتى لبس فاضح، دمرتوها”. واستكملت: “لو عندها اولاد هي اتدمرت خلاص،ليه هي ممسوكة في قضية اداب، وكلنا قاعدين بنتفرج ومحدش قام دافع عنها ولا ساندها ولا دعمها، انا كهيدي بدعمك وبساندك، أنا معرفش اسمك ايه، لان انا ممكن اتعرض للموقف ده، وانا واقفة معاكي وفي ضهرك وانتي معملتيش اي حاجة غلط انتي بترقصي عادي، هو في قانون بيقول ان الرقص جريمة يعاقب عليها القانون”. وأشارت هيدي كرم: “ي ايه يا جماعة، ليه بنعمل في بعض كده، ولو نفترض ان هذه السيدة عملت فعل فاضح في ميدان عام، ولا اتمسكت في قضية اداب ولا اتمسكت في قضية مخزية، فين الستر اللي امرنا ربنا بيه، فينه ده ولا عشان مبيخدمش شهوتنا في النميمة”.