عمرو مصطفى للملحنين: استغلوا جهلنا من 1999 لكن مش هنسكت من النهاردة الإبداع مش للبيع

كشف الفنان عمرو مصطفى تفاصيل جديدة عن حقوق الحماية القانونية للملحنين والمؤلفين، مشيرًا إلى أن العقد يكون محدد بمدة.

وكتب عمرو مصطفى عبر حسابه الشخصي فيسبوك: النهارده عرفت معلومة كان لازم أوصلها لزملائي المؤلفين والملحنين.

وأضاف: أي عقد مكتوب فيه “لمدة الحماية القانونية” يعتبر باطل، لأن القانون بيشترط إن العقد يكون محدد المدة.
لكن للأسف من سنة 1999 استغلوا جهلنا وخلونا نمضي على عقود بالطريقة دي، والنتيجة إننا اتسلبت حقوقنا وأولادنا من بعدنا.

وواصل: أنا بقول الكلام ده مش مجرد معلومة… لكن كـ واجب عليّا كزميل. ولازم نتحرك مع بعض وبشكل جماعي لإبطال التنازلات دي واسترداد حقوقنا 🇪🇬 النهارده قبل بكرة… الإبداع مش للبيع.